San Lucas 19:35 - Biblia

³⁵ Joko wi Jesús jemimboe reta ueru mburika taurusu wae Jesús oï wae pe jare omboi reta iñepëwaka oñono waerä mburika ikupe re. Jayawe jae reta omborɨ Jesús uyupi waerä jese.

Guaraní Pe (Western): Simba

³⁵ Jayave güeru reta mburica taɨrusu vae Jesús oĩ vae pe. Jayave Jesús jemimboe reta oñono iyasoya mburica icupe re, jare Jesús opo jese.

San Lucas 19:35 Iomraidhean Croise

San Mateo 21:4

Jayawe opaete kua mbaembae uasa uyeyapo waerä kërái arakaete Tumpa jei wae rupi. Echa’ä jae jei iñee umɨmbeu wae rupi kuärái:

San Mateo 21:7

Ueru reta mburika jare mburika taurusu wae Jesús oï wae pe, jare omboi reta iñepëwaka oñono waerä mburika reta ikupe re. Jayawe Jesús opo mburika taurusu wae re, jare oo yuapɨ ye Jerusalén kotɨ.

San Lucas 19:34

Jayawe Jesús jemimboe reta jei: “YandeYa uipota uiporu,” jei chupe reta. Jayawe umaeño jese reta wɨraa waerä.

San Lucas 19:36

Jare jae uasa opo iko rambuewe Jerusalén kotɨ, jeta wae reta yuweru jare iñepëwaka uipɨso reta tape rupi mburika jenonde.

San Juan 12:12

Jare pɨarewe pe Jesús oo Jerusalén kotɨ. Kua jeräkua opaete Jerusalén pe ñonoï wae reta pe. Kua reta tenonde ma yuweru Jerusalén pe uyemɨmandúa reta waerä pascua iara reta re. Jare jae reta uikuaa yawe Jesús ou oï Jerusalén pe wae, tuicha rupi uyerowia reta.

San Juan 12:14

Jare Jesús uiporu kía pe pëti mburika taurusu wae jare opo jese. Jokua uyeyapo kërái Tumpa iñeerɨru pe jeiño mái uyeyapota iko wae rami. Echa’ä joko pe jei kuärái: