San Lucas 19:34 - Biblia

³⁴ Jayawe Jesús jemimboe reta jei: “YandeYa uipota uiporu,” jei chupe reta. Jayawe umaeño jese reta wɨraa waerä.

Guaraní Pe (Western): Simba

³⁴ —YandeYa uipota uiporu —jei reta.

San Lucas 19:34 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Lucas 19:33

Jare oyora ñonoï yawe, jokua mburika iya reta upɨrandu chupe reta: “¿Maera pa piyora peï mburika?” jei chupe reta.

San Lucas 19:35

Joko wi Jesús jemimboe reta ueru mburika taurusu wae Jesús oï wae pe jare omboi reta iñepëwaka oñono waerä mburika ikupe re. Jayawe jae reta omborɨ Jesús uyupi waerä jese.

San Juan 10:35

Jare yande reta yaikuaa jokua ñee ndarau ipuere uyawɨ. Erëi ¿kía reta pe pa jei jayawe tumpa? ¿Jae’ä yerá kuimbae reta?” jei chupe reta.

San Juan 12:16

Jokua ara Jesús jemimboe reta uikuaa kawi’ä yureko kua mbaembae rewa. Erëi Jesús oo ye ma ara pe yawe ramo jae reta imandúa uyekuatía yepe iko Tumpa iñeerɨru pe kua mbaembae reta uyeyapota iko wae.

2 Corintios 8:9

Echa’ä pikuaa kawi ko kërái yandeYa Jesucristo uikuaaka ipɨakawi wae ko. Jae ikokatuete ko, echa’ä opaete mbaembae ara pewa jae imbae ko. Erëi jae perauete ramo, ueya opaete jokua mbaembae reta ou waerä kua ɨwɨ pe. Jukuärái jae uyembɨparawete pe reta pikokatu waerä Tumpa kotɨ.