San Lucas 19:26 - Biblia

²⁶ “Jayawe jokua karái jei chupe reta: ‘Jukuärái tëi ko. Erëi che tae pewe, kía uiporu kawi yawe jokua jae ime onoi wae, uñemɨïruta ko chupe. Jae ramiño wi kía mbaetɨ uiporu kawi yawe jokua jae ime onoi wae, jare yepe tëi mbowɨ mii ime onoi yawe, jokuawe uñepɨ̈rota ko chuwi,’ jei.

Guaraní Pe (Western): Simba

²⁶ ‘Añete co’ —jei ipatrón chupe reta, jei—. ‘Ẽrei che jae peve, güɨnoi vae pe uñemɨĩruta, jare mbaetɨ güɨnoi vae güi mbovɨ ete güɨnoi vae uyeequita’ —jei, jei—.

San Lucas 19:26 Iomraidhean Croise

San Mateo 13:12

Echa’ä ime yawe kía uyapɨsaka kawi jare wɨrowia chiñee re wae, uñemɨïruta chupe iyarakuaa. Jae iyarakuaa katuta ko. Erëi ime yawe kía uipota’ä uyapɨsaka añetete re wae, jokua jae uikuaa tëi michi mii yepe chiñee wae, jokuawe uñepɨ̈rota chuwi,” jei chupe reta.

San Mateo 21:43

“Jáeramo pe reta chererɨ̈ro ramo, che tae pewe, pe reta ndarau peï Tumpa ndiwe jae oï ma yawe opaete wae imburuwicha wasurä jaeño mái pewa. Echa’ä Tumpa umeeta oï ïru wae reta pe jokua jae uyapɨkatu tëi pemaerä wae. Jare jae reta uyeyokui kawita Tumpa pe,” jei chupe reta.

Marcos 4:25

Echa’ä ime yawe kía uyapɨsaka kawi jare wɨrowia chiñee re wae, uñemɨïruta chupe iyarakuaa,” jei. “Erëi ime yawe kía uipota’ä uyapɨsaka añetete re wae, jokua jae uikuaa tëi michi mii yepe chiñee wae, jokuawe uñepɨ̈rota chuwi,” jei chupe reta.

San Lucas 16:3

“Jayawe uyeyokui wae jei iyupe ipɨa pe: ‘Karái chemombo oï cheparawɨkɨ wi. ¿Mbae ra ayapo paraweteta añawe? Ndarau chepuere aparawɨkɨ koo pe, echa’ä chepɨräta’ä ma aï. Jare chemarata ko ayerure waerä mbae re,’ jei.

San Lucas 19:25

“Jayawe jae reta jei chupe: ‘Karái, jae ime ma onoi payandepo korepoti,’ jei reta.

San Lucas 8:18

“Jáeramo piyandareko kawi piyé piyapɨsaka kawi waerä. Echa’ä ime yawe kía uyapɨsaka kawi jare wɨrowia chiñee re wae, uñemɨïruta chupe iyarakuaa,” jei. “Erëi ime yawe kía uipota’ä uyapɨsaka añetete re wae, jokua jae wɨrowia tëi uikuaa michi mii yepe chiñee wae, jokuawe uñepɨ̈rota chuwi,” jei Jesús chupe reta.

Hechos 1:20

Jare Pedro jei wi chupe reta: “Arakae rupi David uikuatía tupapire Salmos pe kuärái: ‘Tupɨta jëta ipo mbae, jare awɨye kía tuiko pɨpe,’ jei. Jare uikuatía wi jesewa kuärái: ‘Ïru wae tuyapo iparawɨkɨ jae ipepɨka pe.’ Jukuärái uikuatía David, jare yaikuaa Judas rewa ko,” jei chupe reta.

2 Juan 1:8

Jáeramo pe reta piyandareko kawi piyé awɨye waerä piyembɨtawɨka chupe reta. Echa’ä pe reta peparawɨkɨ ma täta Tumpa pewarä, jare che aipota’ä pemɨkañɨ waerä peyuwi Tumpa umɨñatimata oï pewe wae. Che aipota penoi waerä opaetei jokua reta.

Apocalipsis 2:3

Jare che aikuaa wi perowia cheré ramo, täta piporara jare pemɨawäta pekueri mbae rewe. Opaete kua ikawi ko.

Apocalipsis 3:11

‘Mase, ayu yeta jupiwoiño. Jekuaeño piyapo jokua piyapo peï wae, awɨye waerä ïru wae pe uñemee pewi pecorona.