San Lucas 19:20 - Biblia

²⁰ “Jayawe ïru uyeyokui wae jei chupe: ‘Mase, karái, ko oï ndekorepoti,’ jei. ‘Che aupi kawi ma ndewe awɨye waerä amɨkañɨ.

Guaraní Pe (Western): Simba

²⁰ Jayave ĩru jembiocui jei chupe: ‘Mase, patrón, co oĩ corepoti nemee cheve vae. Ayapɨcua añuvatu ndeve’ —jei, jei—.

San Lucas 19:20 Iomraidhean Croise

San Mateo 25:24

“Joko wi jokua pëti talento onoi wae ou jei karái pe: ‘Karái, che aikuaa ndepochɨ rái wae. Nde jaeño ndiyembɨikokatu neï ïru wae reta ipapɨ re,’ jei chupe.

San Lucas 19:13

“Jare ndei oo mbowe, uenika payandepo uyeyokui chupe wae reta, jare umee chupe reta korepoti pëti pëti pe jei rewe: ‘Pemɨmbarawɨkɨ kawi kua korepoti che ayu ye rewa,’ jei chupe reta. Jare joko wi jokua kuimbae oë oo,” jei Jesús.

San Lucas 19:19

“Jayawe karái jei chupe: ‘Jukuärái ndiyapo ramo, che noñonota pandepo tëta wasu imburuwicharä,’ jei chupe.

San Lucas 19:21

Echa’ä akɨye ndewi ramo aramoi ndiporarakata chewe ndekorepoti amɨkañɨ yawe,’ jei. ‘Echa’ä aikuaa ndepochɨ rái wae. Nde nepɨ̈ro ïru wae reta imbaembae chuwi, jare ïru wae reta ipapɨ reño ndiyembɨikokatu neï,’ jei chupe.

San Lucas 3:9

“Koiño ma oï Tumpa uiporaraka waerä opaete uyawɨ ikotɨ wae reta pe. Pe reta pikuaa kawi peï pëti ɨwɨra ía kawi’ä yawe, iya uitɨta jare uapɨta. Jare jukuäraiete wi Tumpa uiporarakata oï opaete jeko kachi wae reta pe,” jei chupe reta.

San Lucas 6:46

Jare Jesús jei wi chupe reta: “¿Maera pa pere chewe ‘OreYa,’ erëi piyapo’ä che jae wae?” jei.

San Juan 11:44

Jayawe jawoi pewa kuimbae umano iko wae oë oo joko wi. Ipo jare ipɨ uñeñoma oï tarapo pɨpe, jare jowa uñeñoma oï nieso pɨpe kërái jae reta jeko rupi. Jayawe Jesús jei: “Piyora chuwi iñomaa jare tuwata,” jei chupe reta.

San Juan 20:7

Jare uecha wi nieso Jesús iñäka uyeyokua pɨpe wae uyembɨyapa kawi oï jare ikotɨ̈a mii oï.

Santiago 4:17

Pemandúa kawi kua re: yaikuaa yawe mbae ikawi yayapo waerä wae, erëi yayapo’ä yawe, yayawɨ ma ko Tumpa kotɨ.