San Lucas 19:18 - Biblia

¹⁸ “Jayawe ïru uyeyokui wae jei chupe: ‘Karái, amɨmbarawɨkɨ ma jokua ndekorepoti ndeya chewe wae jare amɨngana ma pandepo ye,’ jei chupe.

Guaraní Pe (Western): Simba

¹⁸ Jayave ĩru jembiocui jei chupe: ‘Patrón, amɨmbaravɨquɨ corepoti nemee cheve vae, jare añave anoi pandepo corepoti’ —jei, jei—.

San Lucas 19:18 Iomraidhean Croise

San Mateo 13:23

“Erëi amokue temitɨ oa ɨwɨkawi pe. Kua ɨwɨ ikawi wae uyembɨjaanga oï kía Tumpa iñee uyandu wae jare uepitɨ kawi oï wae re,” jei. “Jare Tumpa iñee uyembɨjapo kawi oï ipɨa pe ramo, uyekuaa jese Tumpa jeko ikawi wae. Amokue reta re uyekuaa kawi Tumpa jeko ikawi wae. Ïru wae reta re uyekuaa kawiete, jare ïru wae reta re uyekuaa kawiete ye,” jei. “Jukuärái ko ambɨjaanga rewe jae pewe wae,” jei Jesús jemimboe reta pe.

San Mateo 25:22

“Jae ramiño wi jokua mokui talento onoi wae ou jei karái pe: ‘Karái, amɨmbarawɨkɨ ma jokua mokui talento nde nemee chewe wae. Mase, ko amɨngana ïru mokui talento ye,’ jei chupe.

Marcos 4:20

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta wɨrowia kawi jese ipɨa rewe. Jare Tumpa iñee uyembɨjapo kawi oï ipɨa pe ramo, uyekuaa jese reta Tumpa jeko ikawi wae. Amokue reta re uyekuaa kawi Tumpa jeko ikawi wae. Ïru wae reta re uyekuaa kawiete, jare ïru wae reta re uyekuaa kawiete ye,” jei. “Jukuärái ko ambɨjaanga rewe jae pewe wae,” jei Jesús jemimboe reta pe.

San Lucas 19:13

“Jare ndei oo mbowe, uenika payandepo uyeyokui chupe wae reta, jare umee chupe reta korepoti pëti pëti pe jei rewe: ‘Pemɨmbarawɨkɨ kawi kua korepoti che ayu ye rewa,’ jei chupe reta. Jare joko wi jokua kuimbae oë oo,” jei Jesús.

San Lucas 19:17

“Jayawe karái jei chupe: ‘Jaekawi ndiyapo. Nde ko jae ndiyeyokui kawi chewe wae,’ jei chupe. ‘Ndiyeyokui kawi ma chewe kua mbowɨ wae re. Jáeramo añawe che noñonota payandepo tëta wasu imburuwicharä,’ jei chupe.

San Lucas 19:19

“Jayawe karái jei chupe: ‘Jukuärái ndiyapo ramo, che noñonota pandepo tëta wasu imburuwicharä,’ jei chupe.

2 Corintios 8:12

Jare kua jekuaeño toï päka pe: Yandepuere wae rupi yayerowia rewe ñamee yawe, jokua umbɨyerowia Tumpa. Tumpa jei’ä yandewe ñamee waerä jokua mbaetɨ ñanoi wae.