San Lucas 19:12 - Biblia

¹² “Ime iko pëti kuimbae ikokatu wae uipota iko jëtáɨwa reta imburuwicharä wae. Jayawe jae uyeyapɨkatu oo waerä mbɨrɨ mburuwicha wasu oï wae pe uyembɨjeeka waerä jëtáɨwa reta imburuwicharä,” jei.

Guaraní Pe (Western): Simba

¹² Jáeramo Jesús jei chupe reta: —Penti mburuvicha oota iɨvɨ güi ambɨe ɨvɨ mbɨrɨ oĩ vae pe uyeyapo vaerã iɨvɨ pegua reta juvicha guasurã. Jare taɨcue rupi ou yeta —jei—.

San Lucas 19:12 Iomraidhean Croise

San Mateo 21:38

“Erëi uvarupa uiporu wae reta uecha taɨ ou oï yawe, jei reta iyupe: ‘Pea ou oï wae ko jae uvarupa iyarä wae. Yayuka ñañono, jare uvarupa upɨtata yanemaerä,’ jei iyupe reta.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

Marcos 12:1

Jayawe Jesús umbɨpɨ uyemɨngeta umbɨjaanga rewe jokua mburuwicha reta pe kuärái: “Ime iko pëti kuimbae uvaruparä uyapo wae,” jei. “Jae uikëse kawi jokua uvarupa, jare oñotɨ pɨpe jeta uva,” jei. “Jare uyapo wi uva uñetami pɨpe waerä. Jare uyapo wi pëti chapapa ɨwate, joko wi umae waerä opaete uvarupa re,” jei. “Jare opa ma uyapɨkatu kawi yawe jokua uvarupa, iya umee ambɨe reta pe uyandareko jese waerä. Jare jei chupe reta: ‘Piyandareko kawi uvarupa re. Jare uva yawɨye ma yawe, mbɨte ameeta pewe kuri,’ jei chupe reta. Jayawe uvarupa iya oo mbɨrɨ ambɨe ɨwɨ pe,” jei Jesús.

Marcos 16:19

Jayawe yandeYa Jesús opa ma jemimboe reta umɨngeta yawe, uyereraa ara pe. Jare uwapɨ yandeRu Tumpa iyakata kotɨ jae ndiwe onoi waerä mbaepuere.

San Lucas 20:9

Jayawe Jesús umbɨpɨ uyemɨngeta joko pe ñonoï wae reta pe umbɨjaanga rewe kuärái: “Pëti kuimbae oñotɨ jeta uva iko pe,” jei. “Jare opa ma uyapɨkatu kawi yawe jokua uvarupa, iya umee ambɨe reta pe uyandareko jese waerä. Jare jei chupe reta: ‘Piyandareko kawi uvarupa re. Jare uva yawɨye ma yawe, mbɨte ameeta pewe kuri,’ jei chupe reta. Jayawe uvarupa iya oo mbɨrɨ ikotɨ̈a ɨma rewa,” jei Jesús.

San Lucas 24:51

Jare jukuärái uyapo iko rambuewe, Jesús uyereraa chuwi reta ara kotɨ.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

Hechos 17:31

Jukuärái jei Tumpa, echa’ä jae uiparawo ma pëti ara outa oï wae opaete ɨwɨ pewa reta yayemboɨ waerä jae jowai. Jare jae uiparawo ma pëti kuimbae jei waerä yandereko re jupi rupi. Jare Tumpa uikuaaka ma yandewe añetete ko jae uiparawo jokua kuimbae, echa’ä umbɨjekowe ye ma ueru umanokue wae reta ipɨte wi.” Jukuärái jei Pablo chupe reta.

1 Corintios 15:25

Añetete ko, Cristo ikota mburuwicharä jae opa umbɨyapɨ rewa jowaicho reta imbaepuere.

Hebreos 9:28

Jare jukuärái wi Cristo pëti weseño uñemee umano waerä jeta wae reta re mbaembae jae reta uyawɨ Tumpa kotɨ wae opa umbái waerä. Jare jae ou yeta oï, erëi mbaetɨta ma ou umbɨepɨ ye waerä mbaembae yayawɨ wae. Jae ou yeta oï umee waerä tekowe opa mbae wae opaete kía uäro ñonoï wae reta pe.

1 Pedro 3:22

Jare añawe jae oo ye ma ara pe jare joko pe oï Tumpa iyakata kotɨ. Jare ime onoi mbaepuere araɨwa reta re, jare aña reta re, jare opaete ara pe mbaepuere onoi wae reta re.

Apocalipsis 1:7

¡Mase, ko jae ma ou amapɨ̈tu re! Jare opaete wae uechata ñonoï. Uikutuka wae retawe uechata wi. Jare opaete kua ɨwɨ pewa reta tuicha ipɨatɨtɨta jae jeko pewa. Añetete jukuärái tuiko.