San Lucas 19:10 - Biblia

¹⁰ “Jeta wae reta ukañɨ ñonoï wae echa uikuaa’ä reta Tumpa ramo. Jáeramo che kuimbaerä ayeyapo wae ayu ko aeka reta waerä jare aepɨ reta waerä,” jei.

Guaraní Pe (Western): Simba

¹⁰ Echa'ã che cuimbaerã ayeyapo vae ayu aeca vaerã jare ambɨasa vaerã ucañɨ Tumpa güi vae reta —jei.

San Lucas 19:10 Iomraidhean Croise

San Mateo 1:21

“María imembɨta oï pëti kuimbae jare nde nembɨjeeta jokua sambiaɨ Jesús. Echa’ä yepe tëi opaete wae uyawɨ Tumpa kotɨ jare ime onoi reta teko Tumpa jowai, erëi Jesús uepɨta oï kía kía jae imaerä iko wae reta,” jei araɨwa José pe.

San Mateo 10:6

“Pekua jaeño ñanerëtara Israel pewa reta oï wae rupi. Echa’ä jae reta ko jae owecha reta ukañɨ wae rami,” jei chupe reta.

San Mateo 15:24

Jayawe Jesús jei kuña pe: “Tumpa chembou Israel iñemoñaa reta peño. Jae reta owecha ukañɨ wae reta rami ko,” jei chupe.

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 18:11

“Jeta wae reta mbɨrɨ ñonoï Tumpa wi, jare uikuaa’ä etei reta tape Tumpa kotɨ oo wae. Jáeramo che kuimbaerä ayeyapo wae ayu ko aepɨ reta waerä,” jei.

San Lucas 15:32

‘Erëi jupi ko yande yayerowia waerä jare yanderorɨkatu waerä. Echa’ä kua nderɨwɨ mii umano rami iko yandewi, erëi añawe ikowe ye rami ko yandewe. Jare ukañɨ iko yandewi, erëi añawe ou wɨte ye ma yandepɨ,’ jei taɨ pe.” Jukuärái jei Jesús umbɨjaanga rewe chupe reta.

San Lucas 15:8

Jare Jesús jei wi chupe reta umbɨjaanga rewe: “Jae ramiño wi pëti kuña ime onoi yawe payandepo riare korepoti jepɨete wae, jare umɨkañɨ yawe pëti riare o pe, ¿mbae ra jae uyapota? ¿Ndarau yerá jae umɨendɨ mechero jare utupei ueka kawi waerä uwäe chupe rewa? Jukuäraita ko,” jei.

San Juan 3:17

Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

Romanos 5:6

Jare ¿kërái ra ko Tumpa yanderau? Yaikuaa Tumpa yanderauete ko, echa’ä Cristo umano yanderé, yande jupi mbae yaiko wae reta re. Yande parawete reta teko pe yaiko Tumpa jowai yayawɨ jae jei wae ramo. Jare yandepuere’ä etei yayerepɨ chuwi yandeiño. Erëi ou ma uwäe yawe ara Tumpa uiparawo wae, Cristo umano yanderé.

Hebreos 7:25

Jáeramo ime yawe kía uipota iko Tumpa ndiwe wae jare wɨrowia ma Jesús re wae, Jesús ipuerete uepɨ jaeño mái pewa. Echa’ä Jesús ikoño mái uyerure waerä Tumpa pe omborɨ reta waerä.