San Lucas 18:22 - Biblia

²² Jare Jesús kua uyandu yawe, jei chupe: “Imeño mbae uata oï ndewe ndiyapo waerä,” jei chupe. “Ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

Guaraní Pe (Western): Simba

²² Jare Jesús cua uyandu yave, jei chupe: —Ime mbae uata ndiyapo vaerã. Emee opaete mbaembae nenoi vae corepoti re, jare emee ndecorepoti iparavete vae reta pe, jare ndicocatuta ara pe. Jayave eyu cherupíe —jei.

San Lucas 18:22 Iomraidhean Croise

San Mateo 19:21

Jayawe Jesús jei chupe: “Ndipota ndiyapo yawe jupi wae, ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

San Lucas 10:42

Erëi ime pëtiño mbae ikawiete wae, jare jokua ko María uiparawo iyupe. Jokua ndarau kiawe upɨ̈ro chuwi,” jei Jesús Marta pe.

San Lucas 12:33

“Jayawe pewaka pembaembae korepotirä, pɨpe pemborɨ waerä iparawete wae reta. Jare jukuärái piyapo yawe, penoita ara pe mbaembae ikawi wae opa mbae wae, kiape imonda wae reta uike mbae wae pe jare kiape kupii ipuere’ä mbae urükumewa wae pe,” jei.

San Lucas 16:9

“Jayawe che pumbɨarakuaa kuärái: Piporuta ko pekorepoti jare pembaembae kua ɨwɨ pe penoi wae pemborɨ waerä ïru wae reta. Echa’ä jukuärái piyapo yawe, jare kua ɨwɨ pewa opa uasa yawe, jae reta jeita pewe pëti pëti rupi pewäe yawe ara pe: ‘¡Jaekawi ndeyu! Kua pe oï nerëta ikumewa mbae wae,’ jeita pewe,” jei.

San Lucas 18:21

Jayawe kuimbae jei: “Che ayawɨ'ä etei pëti awe kua reta chemichi wiwe,” jei chupe.

San Lucas 18:23

Jayawe mburuwicha kua uyandu yawe, tuicha ipɨatɨtɨ. Echa’ä jae ikokatuete ko jare uauete imbaembae opa umee waerä iyuwi.

San Lucas 9:23

Jayawe Jesús jei opaete wae pe: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu opa ara jare tou che ndiwe,” jei.

Filipenses 3:13

Mase hermano mii reta, yepe tëi opa’ä aepitɨ jokua, erëi ime mbae ayapo wae. Che pëti ñeñokuiñokui pe aï rami. Jare che mbaetɨ ma ayemɨngeta chepɨa pe mbaembae tenonde yawe chembɨawaise wae rewa. Echa’ä aipota a tenonde Cristo kotɨ.

2 Pedro 3:8

Erëi cheïru puau mii wae reta, ikawi ko jekuaeño pemandúa waerä kua re: pëti ara jare pëti miri año oyowakeño ko oï yandeYa pewarä.