San Lucas 18:13 - Biblia

¹³ “Erëi jokua mburuwicha pewarä okowara wae uyemboɨ oï mbɨrɨ katu mii jokua fariseo wi, jare uipota’äwe jowaɨwa umae parawete ara kotɨ imara ramo. Jaeño okua pɨi pɨi ipɨtía re jare jei parawete: ‘Tumpa, cheparareko mii. Che jeta ayawɨ ndekotɨ,’ jei.”

Guaraní Pe (Western): Simba

¹³ Jare mburuvicha peguarã ocovara vae uyemboɨ oĩ mbɨrɨ catu fariseo güi, jare uipota'ã jovaɨva. Jaeño ocua iyee ipɨtía re jare jei: ‘Tumpa, cheparareco. Echa'ã che cheyoa vae co’ —jei, jei—.

San Lucas 18:13 Iomraidhean Croise

San Mateo 10:3

Felipe, Bartolomé, Tomás, Mateo (jae ko mburuwicha pewarä okowarase wae), Alfeo taɨ Jacobo jee wae, Tadeo,

San Mateo 6:5

“Jare pe reta piyerure yawe Tumpa pe, awɨye piyapo Tumpa pe uyeyokuiraanga wae reta rami,” jei. “Echa’ä jae reta uyerure yawe Tumpa pe, jekuaeño ikɨrëɨete uyemboɨ reta opaete wae jowake tupao reta pe jare plaza pe uyerure waerä Tumpa pe. Jukuärái uyapo reta ïru wae reta umae kawi jese reta waeräño,” jei. “Erëi che tae pewe añetete wae, jokua ïru wae reta umae kawi jese reta waeño ma ko jae reta onoita. Tumpa ndarau ma umee mbae ikawi wae chupe reta jokua jae reta uyapo wae re,” jei.

San Mateo 9:13

“Tumpa jei iñeerɨru pe: ‘Che aipotaete ko perapicha piparareko waerä mbaemɨmba peru pemee chewe wae wi.’ Jukuärái jei. Jare pe reta ikawi ko piyemboe waerä mbae ra uipota jokua jei. Echa’ä che ayu’ä ko aeni waerä jupi wae reta. Ayu ko aeni waerä jeko kachi wae reta,” jei chupe reta.

Marcos 11:25

“Jae nunga wi che tae pewe, piyerure peï yawe Tumpa pe, aramoi pemanduata perapicha mbae kachi uyapo pewe wae re. Jukuärái yawe, awɨye pemandúa chupe jokua re, peRu ara pe oï wae awɨye waerä imandúa wi pewe mbaembae piyawɨ ikotɨ wae re,” jei.

San Lucas 17:12

Jayawe yuraa uwäe reta pëti tëta wasu raɨ pe. Jare uike ma yureko reta yawe jokua tëta wasu raɨ pe, yuweru owäiti payandepo kuimbae ipire okui wae reta. Erëi mbɨrɨ katuño uyemboɨ reta Jesús wi.

San Lucas 22:41

Jayawe Jesús usɨrɨ katu chuwi reta, jare uñeñono itawa re uyerure waerä Tu pe.

San Lucas 23:48

Jare opaete joko pe ñonoï wae reta uecha yawe mbae uyeyapo wae, opa ye yuraa reta jëta jëta rupi ipɨatɨtɨ rewe.

San Lucas 5:8

Jare Simón Pedro kua uecha yawe, uñeñono itawa re Jesús jowai uipɨu rewe. Jare jei chupe: “CheYa, esɨrɨ mii chewi. Echa’ä che ko jae kuimbae jeko kachi wae.”

Hechos 2:37

Kua uyandu reta yawe, tuicha rupi ipɨatɨtɨ reta. Jare upɨrandu Jesús jemimboe tenondewaete reta pe – jae ko Pedro jare ïru reta pe wi – kuärái: “Tëtara reta, ¿mbae pa orepuere nduyapo añawe?” jei reta.

Romanos 5:8

Erëi Tumpa uechaka ma yandewe yanderauete ko. Echa’ä yepe tëi yande yayapoñoi mbaembae kachi wae Tumpa jowai, erëi jesewe jae etei ombou Cristo umano waerä yanderé.

2 Corintios 7:11

Erëi aikuaa ko pe reta pepɨatɨtɨ piko jokua piyawɨ wae re kërái Tumpa uipota wae rupi. Mase kërái etei añawe jokua pepɨatɨtɨ piko wae jeko pewa opa piyeapɨkatu jare pekɨrëɨ pechaka peï mbaetɨ ma teko penoi. Mase kërái etei uyekuaa ma pipɨu waerä Tumpa wi, jare kërái etei pechaka peï pipota piyapo jupi wae. Mase kërái etei pekɨrëɨete cherecha ye waerä. Opaete kua mbaembae rupi pikuaaka peï mbaetɨ etei ma ko penoi teko jokua uyeyapo pepɨte rupi wae re.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.

Hebreos 4:16

Jare jae tuicha ipɨakawi yandewe. Jáeramo yaya mii Tumpa re yakɨye mbae rewe Tumpa yandeparareko waerä jare yanemborɨ waerä jae ipɨakawi rupi.

Hebreos 8:12

Echa’ä che amaeta jese reta aiparareko rewe. Ambaita chuwi reta mbaembae uyawɨ reta chekotɨ wae jare ndarau ye ma chemandúa jese.” Jukuärái jei Tumpa.