San Lucas 18:11 - Biblia

¹¹ “Jokua fariseo uyemboɨ jare uyerure uyembutuicha rewe kuärái: ‘Tumpa, amee yasurupái ndewe. Echa’ä che jae’ä ko ïru kuimbae reta rami. Echa’ä che jae’ä ko imonda wae. Ayapo’ä jupi mbae wae. Ayapo’ä awasa. Ayapo’ä wi pea mburuwicha pewarä okowara wae uyapo wae rami.

Guaraní Pe (Western): Simba

¹¹ Fariseo uyemboɨ jare uyerure iyupe ipɨa pe cuarãi: ‘Tumpa, amee yasurupai ndeve. Echa'ã che aico'ã ĩru cuimbae reta yugüɨreco rami. Che apurumbɨtavɨ'ã apɨ̃ro vaerã quía güi imbaembae. Ayapo'ã jupi mbae vae. Ayuvanga'ã menda re. Ayapo'ã vi jocua mburuvicha peguarã ocovara vae uyapo rami’ —jei, jei—.

San Lucas 18:11 Iomraidhean Croise

San Mateo 10:3

Felipe, Bartolomé, Tomás, Mateo (jae ko mburuwicha pewarä okowarase wae), Alfeo taɨ Jacobo jee wae, Tadeo,

San Mateo 5:20

“Moisés uikuatía wae re oporomboe wae reta jare fariseo reta uyapo kawi tëi jupi wae. Erëi che tae pewe, pe reta mbaetɨ jupiete peï yawe jae reta wi, ndarau etei peï Tumpa ndiwe jae oï ma yawe opaete wae imburuwicha wasurä,” jei Jesús chupe reta.

San Mateo 6:5

“Jare pe reta piyerure yawe Tumpa pe, awɨye piyapo Tumpa pe uyeyokuiraanga wae reta rami,” jei. “Echa’ä jae reta uyerure yawe Tumpa pe, jekuaeño ikɨrëɨete uyemboɨ reta opaete wae jowake tupao reta pe jare plaza pe uyerure waerä Tumpa pe. Jukuärái uyapo reta ïru wae reta umae kawi jese reta waeräño,” jei. “Erëi che tae pewe añetete wae, jokua ïru wae reta umae kawi jese reta waeño ma ko jae reta onoita. Tumpa ndarau ma umee mbae ikawi wae chupe reta jokua jae reta uyapo wae re,” jei.

Marcos 11:25

“Jae nunga wi che tae pewe, piyerure peï yawe Tumpa pe, aramoi pemanduata perapicha mbae kachi uyapo pewe wae re. Jukuärái yawe, awɨye pemandúa chupe jokua re, peRu ara pe oï wae awɨye waerä imandúa wi pewe mbaembae piyawɨ ikotɨ wae re,” jei.

San Lucas 20:47

“Jare jae reta puku uyerure reta Tumpa pe opaete wae umae waerä tëi jese reta jupi ko ñonoï Tumpa ndiwe wae. Erëi jae reta tawɨ rupi upɨ̈ro kuña ime umano chuwi wae reta wi imbaembae. Jáeramo täta rupi Tumpa uiporarakata oï chupe reta,” jei Jesús chupe reta.

San Lucas 22:41

Jayawe Jesús usɨrɨ katu chuwi reta, jare uñeñono itawa re uyerure waerä Tu pe.

Gálatas 3:10

Erëi opaete kía Moisés arakae uikuatía wae rupi uipota tëi uyembujupika Tumpa kotɨ wae reta, jae reta añetete ko ñonoï Tumpa iarasɨ pe. Echa’ä Tumpa iñeerɨru pe uyekuatía oï kuärái: “Kía mbaetɨ uyapo yawe opaetei Tumpa uikuatiaka wae rupi, Tumpa iarasɨ toa jese.” Jukuärái uyekuatía oï.

Filipenses 3:6

Añetete mbaetɨ kiawe ipuerese chembɨjeko mbae re, echa’ä chereko jekuaeño iko kërái Tumpa arakae jei chupe reta wae rupi. Jare jokuaño’ä ko. Jae nunga wi che cheratangätuete aikose tëi aiporaraka waerä Cristo re wɨrowia wae reta pe, jare jukuärái arowiase tëi ayeyokui kawi waerä Tumpa pe. Jukuärái ime arekose tëi jeta ayeko waerä chiyé.

Apocalipsis 3:17

‘Pe reta pere tëi kuärái: “Yaikokatu ñaï. Jeta mbaembae ñanoi. Mbaetɨ etei mbae uata yandewe,” pere tëi. Erëi jukuärai’ä ko. Pe reta pikuaa’ä kërái chekotɨ pikuasɨete peï, jare peparawete peï, jare peresa mbae echa peï, jare penani etei wae echa peï. Jáeramo ïru wae reta umaeta tëi peré peparareko rewe.