San Lucas 18:1 - Biblia

^1-2 Jare Jesús uipota omboe iko jemimboe reta kërái ikawi ko jekuaeño uyerure reta waerä Tumpa pe ikueri mbae rewe. Jáeramo jei chupe reta umbɨjaanga rewe: “Ime iko pëti tëta wasu pe pëti mburuwicha. Kua mburuwicha uipɨu’ä etei Tumpa wi, jare mbae’ä chupe ïru wae reta kërái oï wae,” jei.

Guaraní Pe (Western): Simba

¹ Jare penti ara Jesús imiari ye jemimboe reta pe umɨjaanga reve. Uipota uicuaaca chupe reta quirãi icavi co jecuaeño uyerure vaerã Tumpa pe jare agüɨye vaerã icueri chugüi.

San Lucas 18:1 Iomraidhean Croise

San Lucas 11:10

“Echa’ä kía uyerure yawe Tumpa pe mbae re, Tumpa umeeta oï chupe. Jare jae nunga wi kía ueka yawe, uwäeta chupe wi. Jare uyepeata oï chupe wi kía öke pe ueni oï wae. Jukuärái ko peRu Tumpa,” jei.

San Lucas 21:36

“Jare jekuaeño piyandareko piyé. Jare piyerure Tumpa pe pepuere waerä peoyepe opaete kua mbaembae uyeyapota oï wae wi. Jare piyerure chupe wi pepuere waerä piyemboɨ jokua ara pemara mbae rewe cherowai, che kuimbaerä ayeyapo wae.” Jukuärái Jesús jei jemimboe reta pe.

Romanos 12:12

Pikuaa peï Tumpa uyapota oï pewe mbaembae ikawiete wae; jáeramo pikota ko piyerowia rewe. Piporara yawe, jekuaeño pemɨawäta pepɨawasu rewe. Jare jekuaeño piñemɨatangätu wi piyerure waerä Tumpa pe.

2 Corintios 4:1

Jáeramo ore orekueri’ä etei. Echa’ä Tumpa oreparareko jare umee orewe nduyeyokui waerä chupe.

Gálatas 6:9

Jayawe awɨye yandekueri ikawi wae yayapo wae wi. Echa’ä uwäe yawe ara Tumpa jei wae, yayekouta ñaï kuri ikawi wae yayapo wae rupi yandekueri’ä yawe.

Efesios 6:18

Jare Tumpa umee wi yandewe pëti tembiporu ye – jae ko yerure. Jayawe jekuaeño piyerure Tumpa pe. Pekañoi chupe pemborɨ waerä kërái Espíritu Santo uikuaaka oï pewe wae rupi. Jare awɨye peakɨ piyerure waerä chupe opaete kerupi ñonoï Cristo re wɨrowia wae reta re.

Filipenses 4:6

Awɨye etei piyembɨpɨa’ä mbae re awe. Erëi piyerure Tumpa pe opaete mbaembae re. Peka chupe opaete mbaembae uata oï pewe wae yasurupái pemee chupe rewe, echa’ä jae uyandu oï piyerure chupe wae re.

Colosenses 4:12

Jare jae nunga wi perëtáɨwa Epafras omondo oï pewe saludo. Jae uyeyokui kawi oï Jesucristo pe. Jare jae jekuaeño täta rupi uyerure oï Tumpa pe peré pepɨräta waerä Tumpa kotɨ jare pikuaa kawi waerä opaete Tumpa uipota wae.

Colosenses 4:2

Cheïru puau mii wae reta, jekuaeño piyerure Tumpa pe. Piñemɨatangätu piyerure waerä chupe pemee rewe yasurupái.

1 Tesalonicenses 5:17

Jare piyerure Tumpa pe pekueri mbae rewe.