San Lucas 17:6 - Biblia

⁶ Jayawe yandeYa jei chupe reta: “Pe reta perowia yawe Tumpa re michi raɨ mii yepe, jayawe pepuereta piyapo mbaembae tuicha wae,” jei. “Pepuereta pere pea ɨwɨra pe oo waerä joko wi jare uñeñono waerä mar pe. Jare jukuärái uyapota ko ɨwɨra,” jei chupe reta.

Guaraní Pe (Western): Simba

⁶ Jayave yandeYa jei chupe reta: —Aramoi pepurugüɨrovia michi ete penti mostaza jãɨcue michi-raɨ vae rami. Ẽrei jocua nunga mburugüɨrovia penoi yave, pepuereta pere cua ɨvɨra sicómoro jee vae pe: ‘Ecua cua güi epɨta ɨ guasu pe’, jare ɨvɨra uyapota pere vae —jei—.

San Lucas 17:6 Iomraidhean Croise

San Mateo 14:29

Jayawe Jesús jei chupe: “Eyu,” jei chupe. Jayawe Pedro uweyɨ chalana wi, jare umbɨpɨ uwata ɨ iáramo rupi oo waerä tëi Jesús kotɨ.

San Mateo 17:20

Jayawe Jesús jei chupe reta: “Pepuere’ä, echa’ä perowia kawi’ä Tumpa re ramo,” jei. “Che tae pewe añetete wae, pe reta perowia yawe Tumpa re michi raɨ mii yepe, jayawe pepuereta piyapo mbaembae tuicha wae. Pepuereta pere pea ɨwɨtu wasu pe oo waerä joko wi jare upɨta waerä ikotɨ̈a pe. Jare jukuärái uyapota ko ɨwɨtu wasu. Ndarau mbae yawái pewe,” jei chupe reta.

San Mateo 21:21

Jayawe Jesús jei chupe reta: “Che tae pewe añetete wae, pe reta perowia yawe añetete rewe Tumpa re, jayawe pepuereta wi piyapo kua nunga che ayapo ɨwa pe wae. Jare jokuaño’ä ko. Pepuereta wi pere kua ɨwɨtu wasu raɨ pe oo uyemombo waerä mar pe, jare jukuärái uyeyapota ko pewe,” jei.

Marcos 4:31

“Yandepuere yambɨjaanga pëti mostaza jäɨkue re. Jokua jäɨkue michi raɨete ko opaete ïru temitɨ reta ñañotɨ wae wi.

Marcos 9:23

Jayawe Jesús jei chupe: “¿Maera pa nde ndere chewe, ‘nde ndepuere yawe’?” jei. “Opaete mbaembae chepuere ayapo cheré wɨrowia wae pewarä,” jei chupe.

San Lucas 13:19

“Jae ko pëti mostaza jäɨkue raɨ mii kuimbae oñotɨ iko pe wae rami,” jei. “Ukuakuaa jare uyeyapo pëti ɨwɨra. Jare wɨra reta uyapo jaitɨrä jäka rupi,” jei chupe reta.

San Lucas 17:7

Jare Jesús jei wi chupe reta: “Pëti uyeyokui wae oo uparawɨkɨ yawe koo pe ani oo umɨngaru yawe mbaemɨmba reta, jare joko wi ou ye yawe karái jëta pe, ¿mbae ra jeita chupe karái? ¿Jae jeita yerá chupe: ‘Eyu ewapɨ ekaru che ndiwe?’ Ndarau jei chupe,” jei.

San Lucas 19:4

Jáeramo jae osi oo tenonde uyupi waerä pëti ɨwɨra tape jembeɨ pe oï wae re sicómoro jee wae, joko wi uecha waerä Jesús.

San Lucas 7:13

Jare yandeYa uecha yawe jokua kuña, uiparareko umae jese jare jei chupe: “Awɨye iyao,” jei.

San Lucas 7:19

Jayawe Juan ueni mokui jemimboe reta jare jei chupe reta: “Pekua yandeYa oï wae pe pepɨrandu chupe jae ra ko Upuruepɨ wae outa iko wae, ani jekuaeño ñaärota ïru wae,” jei chupe reta.

1 Corintios 13:2

Jare aramoi Tumpa umee oï chewe ñee amɨmbeu waerä ïru wae reta pe. Jare aramoi ime anoi opaete arakuaa chepuere waerä aikuaa opaete mbaembae ïru wae reta uikuaa mbae wae. Jare aramoi chepuere ambɨsɨrɨ ɨwɨtu wasu reta che tuicha arowia Tumpa re ramoño. Erëi mbaetɨ apuruau yawe, mbae’ä etei ko che.