San Lucas 17:5 - Biblia

⁵ Jayawe yandeYa jemimboe tenondewaete reta jei chupe: “Oremborɨ mii ndorowia kawi waerä Tumpa re,” jei reta.

Guaraní Pe (Western): Simba

⁵ Jayave yandeYa jemimondo reta jei chupe: —Emɨmbeu oreve quirãi orepurugüɨrovia ipuere uñemɨĩru.

San Lucas 17:5 Iomraidhean Croise

Marcos 6:30

Jayawe jokua kuimbae reta Jesús omondo wae uñatima ye oporomboe reta wae wi Jesús oï wae pe. Jare umbeu reta chupe opaete jae reta uyapo wae re jare oporomboe reta wae re.

Marcos 9:24

Jayawe kunumi raɨ tu täta uyemɨngeta rewe jei: “¡Che arowia nderé! Erëi chemborɨ mii, echa’ä uata chewe arowia kawi waerä nderé,” jei Jesús pe.

San Lucas 7:13

Jare yandeYa uecha yawe jokua kuña, uiparareko umae jese jare jei chupe: “Awɨye iyao,” jei.

San Lucas 7:19

Jayawe Juan ueni mokui jemimboe reta jare jei chupe reta: “Pekua yandeYa oï wae pe pepɨrandu chupe jae ra ko Upuruepɨ wae outa iko wae, ani jekuaeño ñaärota ïru wae,” jei chupe reta.

Filipenses 4:13

Añetete opaete kua mbaembae che chepuere amɨawäta, echa’ä Cristo jekuaeño chemɨmɨräta oï ramo.

2 Tesalonicenses 1:3

Ore jekuaeño numee yasurupái Tumpa pe peré, hermano mii reta. Jare jupi ko jukuärái nduyapo waerä. Echa’ä jekuaeño ukuakuaa oo oï kërái perowia Tumpa re wae, jare jekuaeño wi tuicha rupi piyerau peï päwe rewe.

Hebreos 12:2

Jare kërái uñeñokui wae reta täta umae oo oï iyapɨ re, jukuärái wi yande tätata ko ñamae Jesús re. Echa’ä jae oo ma tenonde yandewi jare uechaka ma yandewe kërái yarowia kawi waerä Tumpa re. Jare añawe jae yanemborɨta oï jukuärái wi yayapo waerä. Jae tuicha urupɨa kurusu re umanota iko yawe. Jare yepe tëi pëti ñemɨmaraka tuicha wae ko jae umano waerä pëti kurusu re, erëitu jokua mbae’ä chupe. Echa’ä jae uikuaa iko taɨkue rupi uyerowiaeteta iko. Jare jukuärái ko oï añawe rupi, echa’ä jae uwapɨ oï yandeRu Tumpa iyakata kotɨ.