San Lucas 17:30 - Biblia

³⁰ “Jare jukuärái wi ɨwɨ pewa reta uyepokoukata ñonoï kuri, che kuimbaerä ayeyapo wae ayekuaa ye yawe,” jei chupe reta.

Guaraní Pe (Western): Simba

³⁰ Jucuarãita vi uyeyapo che cuimbaerã ayeyapo vae ayecuaa yave —jei—.

San Lucas 17:30 Iomraidhean Croise

San Mateo 16:27

“Che jae pewe kua mbaembae, echa’ä pëti ara che kuimbaerä ayeyapo wae ayu yeta aï cheRu imbaepuere jembipete rewe jare chearaɨwa reta ndiwe. Jare jayawe amɨñatimata aï pëti pëti wae pe mbae uyapo wae rupi,” jei.

San Mateo 24:3

Jayawe Jesús jemimboe reta ndiwe yuraa uyupi reta ñaipe Olivorenda jee wae re, jare Jesús uwapɨ. Jare joko pe jae retaño ñonoï rambuewe, jemimboe reta yuweru oya jese jare jei reta chupe: “Emɨmbeu mii orewe, ¿kërái yawe etei ra uasata kua mbaesusere tupao wasu rewa? Jare ¿këraita pa nduikuaa ndeyu yeta ma neï yawe jare ara iyapɨta ma oï yawe?” jei reta chupe.

San Mateo 24:37

“Pikuaa kawi peï kërái yureko ɨwɨ pewa reta arakaete rupi Noé iko rambuewe. Jukuäraiete wi yurekota che kuimbaerä ayeyapo wae ayu ye yawe,” jei.

San Mateo 24:39

“Jare ɨporu wasu ou uwäe yawe, opaetei uyepokouka reta, jare ɨ opa wɨraa reta. Jare jukuärái wi ɨwɨ pewa reta uyepokoukata ñonoï kuri che kuimbaerä ayeyapo wae ayu ye yawe,” jei chupe reta.

San Mateo 26:64

Jayawe Jesús jei chupe: “Nde ndere wae ko jae,” jei chupe. “Jare wi che tae pewe, outa uwäe ara che kuimbaerä ayeyapo wae, pe reta etei cherechata peï kuri Tumpa imbaepuere tuichaete wae iyakata kotɨ. Jare cherechata wi ayu ye yawe ara wi amapɨ̈tu re,” jei chupe.

Marcos 13:26

“Jayawe che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei.

San Lucas 17:24

Echa’ä che kuimbaerä ayeyapo wae ayu ye yawe, ayekuaata kërái ama uwera wae uyekuaa opaete ara re wae rami. Echa’ä opaete wae cherechata oï kuri,” jei.

San Lucas 17:29

“Erëi jokua ara Lot jare jëtara reta ndiwe opa oë yawe Sodoma wi, Tumpa ombou ara wi tata azufre jendɨ wae ndiwe jare opa umbái opaetei jokua tëta wasu pewa reta. Jukuärái jae reta uyepokouka reta,” jei.

San Lucas 21:22

Echa’ä jokua ara reta rupi Tumpa uiporarakata oï kua tëta wasu pewa reta pe. Jukuärái uyekuatía oï Tumpa iñeerɨru pe. Jare jukuärái Tumpa uyapota oï jokua uyekuatía oï wae uyeyapo waerä,” jei chupe reta.

San Lucas 21:27

“Jayawe che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei chupe reta.

1 Corintios 1:7

Jáeramo kua mbaembae reta rupi pepuere pikuaa kawi uata’ä etei pewe mbae awe Espíritu Santo umee wae. Jukuärái ko añawe rupi peäro peï rambuewe piyerowia rewe yandeYa Jesucristo ou yeta wae.

1 Corintios 1:8

Jare añawe rupi jokua ara yandeYa Jesucristo pewa ou rewa, Tumpa jekuaeño pemɨmɨrätata oï ikotɨ pepuere waerä jokua ara piyemboɨ jae jowai pereko mbae rewe.

2 Tesalonicenses 1:7

Jare jukuärái pe reta piporara peï wae, oyowake peputuuta peï kuri ore ndiwe kua yaiporara ñaï wae wi. Jokua uyeyapota oï yandeYa Jesucristo uyekuaa yawe ara wi tata jendɨ rewe jare iaraɨwa ipɨrätaete wae reta ndiwe,

1 Pedro 1:13

Jayawe Tumpa kua mbaembae uyapo pewe ramo, pemɨsɨmi pepɨayemɨngeta piyeyokui waerä chupe. Piko pearakuaa katu rewe. Jukuärái ko pe reta peärota pekɨrëɨ rewe Jesucristo ou yeta wae. Echa’ä jokua ara Tumpa ipɨakawieteta oï pewe kuri.

1 Pedro 1:7

Kua yembɨawái reta yuweru ma pewe uyekuaa waerä perowia ko Tumpa re añetete rewe. Jare kua ikawiete ko oro wi Tumpa pewarä. Yaikuaa ñaï oro awe yamɨndɨkui tata pe opa jae yepái uyembatɨ waerä. Jare jukuärái rami Tumpa uyapo oï pewe yembɨawái rupi. Echa’ä jekuaeño perowia yawe Tumpa re yembɨawái rupi, jayawe Tumpa uyemɨngeta kawita peré jare pembutuichakata. Kua uyeyapota oï jokua ara yandeYa Jesucristo ou ye yawe.

1 Pedro 4:13

Piyerowiaño. Echa’ä piporara wae rupi piñemɨïru peï Cristo ndiwe. Jare jokua re piyerowiaeteta peï kuri jokua ara Cristo ou ye yawe imbaepuere jembipete rewe.

1 Juan 2:28

Jayawe cheraɨ mii reta puau wae, jekuaeño piñemɨïru kawi Jesucristo ndiwe. Echa’ä jukuärái yayapo yawe, ndarau yayepokouka jokua ara Cristo ou ye yawe. Ñaïta jae jowai yayerowia rewe jare ñanemara mbae rewe.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.

Apocalipsis 1:7

¡Mase, ko jae ma ou amapɨ̈tu re! Jare opaete wae uechata ñonoï. Uikutuka wae retawe uechata wi. Jare opaete kua ɨwɨ pewa reta tuicha ipɨatɨtɨta jae jeko pewa. Añetete jukuärái tuiko.