San Lucas 17:3 - Biblia

³ “Jáeramo pe reta piyandareko kawi piyé awɨye waerä piyawɨka perapicha pe Tumpa kotɨ,” jei chupe reta. Jare Jesús jei wi chupe reta kuärái: “Ïru cheré wɨrowia wae uyawɨ yawe ndekotɨ, embɨeta chupe jokua re. Jare jae ueya yawe ipɨayemɨngeta kachi wae jokua jae uyapo wae re, jayawe awɨye nemandúa chupe jokua jeko re,” jei.

Guaraní Pe (Western): Simba

³ Piñemoa ngatu. Nderɨvɨ uyapo yave icavi mbae vae ndeve, embɨaracuaa. Jare jae ipɨatɨtɨ yave jeco re, embɨasa chupe —jei—.

San Lucas 17:3 Iomraidhean Croise

San Mateo 18:21

Jayawe Pedro ou jei Jesús pe: “CheYa,” jei chupe. “Ime yawe ïru hermano mbae kachi uyapo chekotɨ wae, aikuaa awɨyeta ko chemandúa chupe jokua re. Erëi jae jekuaeño mbae kachi uyapo chekotɨ yawe, ¿mbowɨ wese pa aipararekota? ¿Chiu weseño pa aramoi?” jei chupe.

San Lucas 21:34

“Jáeramo piyandareko kawi piyé awɨye waerä jokua ara piyepokouka pëti wɨra ipɨranoe pewa oa ñuai pe wae rami,” jei. “Echa’ä jukuäraita uyeyapo oï ɨwɨ pewa reta pe. Jáeramo awɨye pekau jare awɨye perorɨkatuño piko. Jare awɨye wi piyembɨpɨa’ä mbaembae ɨwɨ pewa re,” jei.

Efesios 5:15

Pe reta peï ma ko tembipe pe; jáeramo piyandareko kawi piyé pechaka waerä teko kawi. Awɨye piko wɨraeño. Piko iyarakuaa katu wae reta rami.

Hebreos 12:15

Piyandareko kawi piyé awɨye waerä kía pepɨte pe oï wae uyerowa Tumpa ipɨakawi wi. Jare awɨye pemaeño mbaembasɨ re ukuakuaa waerä pepɨte rupi jare jukuärái umbɨawái waerä jeta wae reta. Echa’ä pemaeño jese yawe, jeta wae reta ikɨata Tumpa kotɨ.

Santiago 5:19

Jayawe hermano mii reta, ime pëti mbae re ye. Ipuere ko kía pepɨte pe iko wae usɨrɨ ma añetete wae wi jare uñatima ye ma teko kachi pe. Erëi ime yawe kía omborɨ jokua nunga uyerowa ye waerä jeko kachi wi wae,

2 Juan 1:8

Jáeramo pe reta piyandareko kawi piyé awɨye waerä piyembɨtawɨka chupe reta. Echa’ä pe reta peparawɨkɨ ma täta Tumpa pewarä, jare che aipota’ä pemɨkañɨ waerä peyuwi Tumpa umɨñatimata oï pewe wae. Che aipota penoi waerä opaetei jokua reta.