San Lucas 17:27 - Biblia

²⁷ “Echa’ä arakaete rupi, ndei ɨporu wasu ou mbowe, ɨwɨ pewa reta ipɨawiwe yureko jekoño mái rupi. Echa’ä jae reta ukaruñoi jare ukauñoi yureko. Jare jekuaeño umenda reta jare umɨmendaka reta wi. Jukuärái uyapo yureko reta jokua ara Noé jare jëtara reta ndiwe opa uike rewa chalana wasu pe. Jayawe ou ɨporu wasu jare opa umɨkañɨ reta opaetei,” jei chupe reta.

Guaraní Pe (Western): Simba

²⁷ Echa'ã Noé ico rambueve, ɨvɨ pegua reta ucaruñoi jare ucauñoi yugüɨreco, jecuaeño cuimbae reta umenda cuñatai reta ndive jare tu reta umee tayɨ reta cuimbae reta pe umenda jae ndive vaerã. Ẽrei penti ara Noé uique jocua chalana guasu pe. Jayave ou ɨporu guasu jare opa uyuca reta —jei—.

San Lucas 17:27 Iomraidhean Croise

Génesis 7:23

Jukuärái Tumpa opa umbái opaete ɨwɨ pewa reta – jae ko kuimbae jare kuña reta, mbaemɨmba reta, wɨra reta, jare ɨwɨ rupi uyewichɨ wae reta. Opaetei Tumpa opa umbái. Jaeño upɨta jekowe rewe Noé jare opaete jae ndiwe chalana wasu pe ñonoï wae reta.

Génesis 7:7

Jare ɨporu wasu outa wae jeko pewa Noé uike chalana wasu pe jembireko ndiwe jare taɨ reta pëti pëti jembireko ndiwe.

San Mateo 22:30

Echa’ä jokua ara umanokue wae reta ikowe ye yawe, ndarau ye ma umenda reta. Echa’ä yurekota araɨwa reta yureko wae rami,” jei chupe reta.

San Lucas 17:26

“Pikuaa kawi peï kërái yureko ɨwɨ pewa reta arakae rupi Noé iko rambuewe. Jukuäraiete wi yurekota che kuimbaerä ayeyapo wae ayu ye yawe,” jei.

San Lucas 17:28

“Jare jukuäraiete wi uasa arakae Lot iko rambuewe. Pikuaa kawi peï Lot iko yawe tëta wasu Sodoma pe, jokua tëta wasu pewa reta ukaruñoi jare ukauñoi, jare jekuaeño owa reta jare owaka reta mbaembae, jare umaetɨñoi reta, jare uyapoñoi reta jëtarä,” jei.