San Lucas 17:22 - Biblia

²² Joko wi Jesús jei jemimboe reta pe: “Outa oï ara reta pipotata tëi michi pewa mii yepe cherecha, che kuimbaerä ayeyapo wae, chembaepuere mburuwicha wasu pewa rewe. Erëi ndei mii rani jokua,” jei.

Guaraní Pe (Western): Simba

²² Jayave Jesús jei jemimboe reta pe: —Outa ara reta pipota vaerã tẽi cherecha - che cuimbaerã ayeyapo vae - penti ara yepe, ẽrei ndarau cherecha —jei—.

San Lucas 17:22 Iomraidhean Croise

San Mateo 9:15

Jayawe Jesús jei chupe reta umbɨjaanga rewe: “Uparea reta yawe menda pe, ¿ipɨatɨtɨta yerá joko pe ñonoï wae reta kuimbae umenda wae jae reta ndiwe oï rambuewe? Ndarau etei,” jei chupe reta. “Erëi outa uwäe ara kuimbae umenda wae uyereraa waerä chuwi reta. Jayawe ramo jae reta oñono teeta ara reta ukaru mbae waerä,” jei chupe reta.

Marcos 2:20

“Erëi outa uwäe ara kuimbae umenda wae uyereraa waerä chuwi reta. Jokua ara ramo jae reta oñono teeta ara reta ukaru mbae waerä,” jei chupe reta.

San Lucas 13:35

“Mase, añawe Tumpa pereyata oï, jare petupao wasu wi usɨrɨta oï. Jare che tae pewe, ndarau ma cherecha pe reta pere chewe rewa kuärái: ‘Tumpa tuyapo ikawiete wae kua Tumpa jee re ou oï wae pe.’ Jukuäraita ko,” jei Jesús chupe reta.

San Lucas 5:35

“Erëi outa uwäe ara kuimbae umenda wae uyereraa waerä chuwi reta. Jayawe ramo jae reta oñono teeta ara reta ukaru mbae waerä,” jei chupe reta.

San Juan 12:35

Jayawe Jesús jei chupe reta umbɨjaanga rewe: “Tembipe imeñota oï pe reta ndiwe michi pewaeño. Jáeramo pemaeño kua tembipe re umbɨembipe waerä pepɨa pe. Jukuärái ndarau pepɨranoe pewa pɨ̈tu pewe. Echa’ä pɨ̈tumimbi pe uwata wae reta jopa ñonoï jare uikuaa’ä ketɨ ra yuraa ñonoï wae,” jei chupe reta.

San Juan 13:33

“Mase cherɨwɨ mii reta, michi pewaño ma aïta pe reta ndiwe. Koiñoete ma ou oï ara pe reta chereka tëi waerä. Erëi pe reta pepuere’ä peo parawete che ata aï wae pe. Jukuärái che jae judío itenondewa reta pe wi, jare añawe jukuäraiete wi che jae aï pewe,” jei chupe reta.