San Lucas 17:1 - Biblia

¹ Jayawe Jesús jei wi jemimboe reta pe: “Ime jeta japicha pe uyawɨka Tumpa kotɨ wae reta. Jukuärái ñotái ko. Erëi ime yawe kía japicha pe uyawɨka Tumpa kotɨ wae, ¡ikuasɨ parawete! Echa’ä Tumpa tuicha rupi uiporarakata oï chupe,” jei.

Guaraní Pe (Western): Simba

¹ Jayave Jesús jei jemimboe reta pe: —Jecuaeño yugüɨrecota upurumbɨavai vae reta. Ẽrei upurumbɨavai vae reta uiporarata co —jei—.

San Lucas 17:1 Iomraidhean Croise

San Mateo 16:23

Erëi Jesús uyerowa Pedro wi, jare jei chupe: “Esɨrɨ chewi, Satanás,” jei chupe. “Nde ndipota tëi chembɨawái, echa’ä ndepɨa oï mbaembae ɨwɨ pewa reño. Mbaetɨ ndepɨa oï mbaembae Tumpa uipota wae re,” jei chupe.

San Mateo 18:7

“¡Ikuasɨ kua ɨwɨ pewa reta, echa’ä ime jeta uyawɨka japicha pe Tumpa kotɨ wae reta! Jukuärái ñotái ko. Erëi ime yawe kía japicha pe uyawɨka Tumpa kotɨ wae, ¡ikuasɨ parawete! Echa’ä Tumpa tuicha rupi uiporarakata oï chupe,” jei chupe reta.

San Lucas 16:31

“Erëi Abraham jei chupe: ‘Ipuere ko kía ikowe ye oo tëi nderɨwɨ reta pe umanokue wae reta ipɨte wi. Erëi jokuawe ndarau wɨrowiaka chupe reta Tumpa re, jae reta uipota’ä uyapɨsaka yawe Tumpa iñeerɨru re,’ jei chupe.” Jukuärái jei Jesús jemimboe reta pe.

Romanos 14:13

Jáeramo awɨye ma ñaniñera yandiyé. Erëi ikawiete ko yayandareko kawi mii waerä yandiyé awɨye waerä ïru hermano opia Tumpa jape wi yandereko pewa.

Romanos 16:17

Añawe hermano mii reta, che pumɨñera piyandareko kawi waerä piyé, awɨye waerä kía jeko pewa piyembɨyao tee tee peyuwi. Echa’ä ime amokue wae reta mbaetɨ ikawi oporomboe. Jokua jae reta oporomboe wae ambɨe ye pe reta piyemboe wae wi, jare jae reta jeko pewa jeta wae reta opia ma Tumpa jape wi. Jáeramo awɨye piñemɨïru jae reta ndiwe.

1 Corintios 10:32

Awɨye jekuaeño piyapo ipotawe mbae ikawi mbae ïru pewarä oï wae – jae ko judío reta pe, jare judío mbae wae reta pe, jare hermano Cristo re wɨrowia wae reta pe wi. Echa’ä ipuereta ko opia reta Tumpa jape wi pereko pewa.

1 Corintios 11:19

Pe reta perowia chawaa peï imeta ko piyembɨyao tee tee peï peyuwi, jukuärái uyekuaa waerä kía nunga reta ra ko añetete umbɨyerowia ñonoï Tumpa wae.

1 Corintios 8:13

Jáeramo ïru hermano ipuereta opia Tumpa jape wi soo che jau wae jeko pewa yawe, jayawe ndarau ye ma che jau soo. Echa’ä aipota’ä etei ïru wɨrowia Cristo re wae opia waerä che mbae ayapo wae jeko pewa.

1 Timoteo 4:1

Erëi Espíritu Santo uikuaaka kawi yandewe kërái ara taɨkuewa rupi amokue wae reta usɨrɨta jokua yemboe añetete wae wi. Jae reta uyapɨsakata upurumbɨtawɨ wae reta jei wae re. Jare wɨrowiata reta yemboe añetete’ä wae aña reta wi etei ou wae.

Apocalipsis 2:14

‘Erëitu ime amokue mbaembae re pumbɨjeko waerä. Jae ko kua: Ime pepɨte pe ñonoï amokue wae reta uipota’ä ueya jokua yemboe kuimbae Balaam arakae oporomboe wae. Balaam arakae umbɨarakuaa mburuwicha Balac jee wae kërái ipuere waerä uyawɨka Israel iñemoñaa reta pe Tumpa kotɨ. Jayawe Balac umɨkɨrëɨ Israel iñemoñaa reta jou waerä tembiu tumparaanga pe uñemee wae jare uyapo reta waerä awasa.

Apocalipsis 2:20

‘Erëitu ime mbae re pumbɨjeko waerä. Jae ko kua: Pe reta pemaeño peï jokua kuña Jezabel jee wae re oporomboe waerä pepɨte pe. Echa’ä jae jei tëi iyupe: “Che ko jae ñee Tumpa wi etei ou wae amɨmbeu wae,” jei tëi iyupe. Erëi umbɨtawɨ oï uyeyokui chewe wae reta jae reta uyapo waerä awasa jare jou reta waerä tembiu tumparaanga pe uñemee wae.