San Lucas 16:9 - Biblia

⁹ “Jayawe che pumbɨarakuaa kuärái: Piporuta ko pekorepoti jare pembaembae kua ɨwɨ pe penoi wae pemborɨ waerä ïru wae reta. Echa’ä jukuärái piyapo yawe, jare kua ɨwɨ pewa opa uasa yawe, jae reta jeita pewe pëti pëti rupi pewäe yawe ara pe: ‘¡Jaekawi ndeyu! Kua pe oï nerëta ikumewa mbae wae,’ jeita pewe,” jei.

Guaraní Pe (Western): Simba

⁹ Che pumbɨaracuaa piporu vaerã pecorepoti pemborɨ vaerã ĩru vae reta. Jayave jae reta uyeyapota peamigo retarã. Echa'ã pemano yave, opata peeya pecorepoti. Ẽrei ara pe peamigo reta pembɨresiveta jare joco pe picota jaeño mai pegua —jei Jesús chupe reta—.

San Lucas 16:9 Iomraidhean Croise

San Mateo 19:21

Jayawe Jesús jei chupe: “Ndipota ndiyapo yawe jupi wae, ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

San Mateo 6:19

“Jayawe pe reta awɨye piko mbaembae kua ɨwɨ pewa pembatɨ waeräño,” jei. “Echa’ä kua ɨwɨ pe pembaembae ipuere opa iyukɨrɨ jare kupii reta ipuere opa urükumewa pewi. Jare ipuere wi uike wɨari imonda wae reta opa oñomi pewi pembaembae,” jei.

San Mateo 6:24

Jare Jesús jei wi umbɨjaanga rewe: “Kiawe ndarau ipuere uyeyokui mokui karái pe pëti jei wae peño. Echa’ä jukuärái yawe, uauta pëti wae jare ïruwe uñamɨtäata. Jae nunga wi jae jatangätuta oï pëti wae pe, jare ïruwe re ndarau uipota umae. Jukuärái wi ko pe reta pepuere’ä piyeyokui Tumpa pe pipotaete korepoti rewe,” jei chupe reta.

San Lucas 11:41

“Pe reta pipota’ä pekɨa peï Tumpa kotɨ yawe, jayawe pemborɨta ko iparawete wae reta ime penoi wae pɨpe,” jei chupe.

San Lucas 12:33

“Jayawe pewaka pembaembae korepotirä, pɨpe pemborɨ waerä iparawete wae reta. Jare jukuärái piyapo yawe, penoita ara pe mbaembae ikawi wae opa mbae wae, kiape imonda wae reta uike mbae wae pe jare kiape kupii ipuere’ä mbae urükumewa wae pe,” jei.

San Lucas 16:11

“Jáeramo pe reta piyandareko kawi’ä yawe pekorepoti jare pembaembae kua ɨwɨ pewa re, jayawe Tumpa ndarau wɨrowia katu peré piyandareko waerä mbaembae chupe waerä ikawiete oï wae re,” jei.

San Lucas 16:13

Jare Jesús jei wi umbɨjaanga rewe: “Pëti uyeyokui wae ndarau ipuere uyeyokui mokui karái pe pëti jei wae peño. Echa’ä jukuärái yawe, uauta pëti wae jare ïruwe uñamɨtäata. Jae nunga wi jae jatangätuta oï pëti wae pe, jare ïruwe re ndarau uipota umae. Jukuärái wi ko pe reta pepuere’ä piyeyokui Tumpa pe pipotaete korepoti rewe,” jei chupe reta.

San Lucas 16:4

“¿Kërái ra ayapota ïru wae reta chemborɨ waerä kiape aï waerä karái upɨ̈ro yawe chewi cheparawɨkɨ? Aaa. Aikuaa ma aï mbae ayapo waerä,’ jei iyupe.

Hechos 10:31

“Jare jae chereni jare jei: ‘Cornelio, Tumpa uyapɨsaka ndiyerure chupe wae re, jare uecha wi nemee mbaembae ikuasɨ wae reta pe.

Hechos 10:4

Jayawe Cornelio ukɨye rewe umae ngatu araɨwa re jare upɨrandu chupe: “¿Mbae pa ndeka, mburuwicha?” jei chupe. Jare araɨwa jei chupe: “Tumpa uyerowia umae oï nderé,” jei. “Jae uyandu oï ndiyerure chupe wae re jare uecha oï kërái nemborɨ kawi ikuasɨ wae reta,” jei.

2 Corintios 4:17

Añetete kua mbaembae añawe nduiporara noï wae, opata ko. Jare Tumpa umɨñatimata oï orewe jokua re. Jare jokua ara numaeta noï jokua mbaembae reta nduiporara nduiko wae re mbae’ä etei iko jare ɨma’ä etei iko wi. Echa’ä Tumpa umɨñatimata oï orewe wae ikawiete ye ko jare ndarau etei opa.

Judas 1:21

Pe reta pikuaa peï yandeYa Jesucristo umeeta oï pewe tekowe opa mbae wae peparareko ramo. Jare añawe jokua peäro peï rambuewe, jekuaeño pemandúa kërái Tumpa perau wae re.