San Lucas 16:29 - Biblia

²⁹ “Jayawe Abraham jei chupe: ‘Nderɨwɨ reta ime onoi Tumpa iñeerɨru. Tuyapɨsaka reta jokua re,’ jei chupe.

Guaraní Pe (Western): Simba

²⁹ Jayave Abraham jei chupe: ‘Ime güɨnoi Moisés iporoyocui jare Tumpa iñee aracae umɨmbeu vae reta uicuatía vae. Tumɨngueta reta jocua’ —jei, jei—.

San Lucas 16:29 Iomraidhean Croise

Isaías 8:20

Ikawi ko yaeka waerä chupe iyarakuaa jare jokua jae jei wae. Kía ambɨe ye jei Tumpa iñee re wae oï pɨ̈tumimbi pe.

San Lucas 16:16

Jayawe Jesús jei wi chupe reta: “Ndei Juan ou mbowe, Moisés jare ïru arakae Tumpa iñee umɨmbeu wae reta uikuatía wae uyemɨmbeu,” jei. “Erëi Juan ou wiwe ñee ikawi wae uyemɨmbeu ma oï kërái uyembɨpɨ ma Tumpa imbaepuere mburuwicha wasu pewa kua ɨwɨ pe. Jare jeta wae reta uipota Tumpa iko waerä imburuwicha wasurä,” jei.

San Lucas 24:27

Jayawe Jesús umbɨpɨ umɨesäka chupe reta kërái ko uyekuatía oï jesewa Tumpa iñeerɨru pe. Jae umbɨpɨ Moisés uikuatía wiwe, jare joko wi arakae Tumpa iñee umɨmbeu wae reta uikuatía wae rupi umɨesäka wɨraa wɨraa chupe reta.

San Lucas 4:17

Jare umee reta chupe pëti tupapire uyembapúa oï wae, Isaías iñee uyekuatía oï pɨpe wae. Isaías ko jae pëti ñee Tumpa wi etei ou wae arakae umɨmbeu wae. Jayawe Jesús oyora jare uwäe chupe kiape umɨngeta waerä. Jare umɨngeta kuärái:

Hechos 15:21

“Jae reta awɨyeta ko uyapo kua mbaembae awɨye waerä umbɨarasɨ judío reta jae reta ipɨte pe ñonoï wae. Echa’ä arakae wiwe opaete tëta wasu reta rupi Moisés arakae uikuatía wae uyemɨmbeu ma. Jare judío reta imeño jokua umɨngeta reta opa mbutuu ara rupi tupao reta rupi. Jare jeta wae reta uikuaa Moisés uikuatía wae pe jei awɨye yayapo waerä jokua mbaembae,” jei Jacobo chupe reta.

Gálatas 4:21

Pe Moisés arakae uikuatía wae rupi pipota piko wae reta, ikawi ko piyemɨngeta waerä pepɨa pe Moisés uikuatía wae re.