San Lucas 16:28 - Biblia

²⁸ Echa’ä ime anoi pandepo cherɨwɨ reta, jare aipota’ä jae reta wi yuweru waerä kua pe ore nduiporaraete noï wae pe. Emondo mii Lázaro tumɨmbeu chupe reta,’ jei chupe.

Guaraní Pe (Western): Simba

²⁸ ‘Echa'ã che ime anoi pandepo cherɨvɨ reta. Emondo umɨmbeu vaerã chupe reta, agüɨye vaerã jae reta vi yugüeru cua jasɨ catu noĩ vae pe’ —jei, jei—.

San Lucas 16:28 Iomraidhean Croise

San Lucas 16:27

“Jayawe kuimbae ikokatuse wae jei Abraham pe: ‘Cheramɨ, jukuärái yawe, che numɨñera nemondo waerä Lázaro cheru jëta pe.

Hechos 10:42

“Jare Jesús etei jei orewe numɨmbeu waerä ïru wae reta pe kërái Tumpa umee jae iko waerä opaete wae iYarä. Jare ara taɨkuewa uwäe yawe, Tumpa umbatɨta opaetei tekowe onoi wae reta jare umanokue wae reta wi Jesús jowai jae jei waerä jae reta jeko re,” jei Pedro chupe reta.

Hechos 18:5

Jokua ara reta rupi Silas jare Timoteo yuweru uwäe ɨwɨ Macedonia wi. Jayawe Pablo ueya iparawɨkɨ tëta wakapi pewa uyapo wae. Jare uñeñono tee umɨmbeu waerä Tumpa iñee jare wɨrowiaka waerä judío reta pe kërái Jesús ko jae Cristo jei chupe reta wae.

Hechos 2:40

Jare jukuärái Pedro omboe reta jeta mbaembae re, jare jokoropi umɨkɨrëɨ reta jare umbɨarakuaa reta kuärái: “Añawe rupi yureko wae reta, opaete seri jeko kachi ko, jare Tumpa uiporarakata oï chupe reta. Jáeramo peka chupe perepɨ waerä iarasɨ wi,” jei Pedro chupe reta.

Hechos 20:21

“Jare jekuaeño amɨmbeu opaete wae pe – judío reta pe jare judío mbae wae reta pe wi – ueya reta waerä ipɨayemɨngeta jupi mbae wae Tumpa rewa jare wɨrowia reta waerä yandeYa Jesucristo re,” jei chupe reta.

Hechos 20:23

“Jaeño aikuaa joko pe cherowaicho reta chepɨsɨta jare cheñonokata reta peresorɨru pe, jare aiporarata aï. Kua aikuaa aï, echa’ä tëta tëta wasu rupi asa yawe, Espíritu Santo uikuaaka oï chewe jokua re,” jei chupe reta.

Hechos 20:24

“Erëi jesewe akɨye’ä,” jei. “Chepɨa pe ayemɨngeta’ä etei ayerepɨ waerä. Jaeño aipota opa ayapo waerä ayerowia rewe jokua mbarawɨkɨ yandeYa Jesús umee chewe wae. Jare cheparawɨkɨ ko jae jekuaeño amɨmbeu waerä ïru wae reta pe ñee ikawi wae kërái ko Tumpa ipɨakawiete ye oï yandewe wae re,” jei chupe reta.

Hechos 23:11

Jare jokua pɨ̈tu yandeYa uyekuaa Pablo pe jare jei chupe: “Iñemɨatangätu,” jei. “Chemɨeräkua ma Jerusalén pe. Jare añawe chemɨeräkuata ko wi tëta wasu Roma pe,” jei chupe.

Hechos 26:22

Erëi Tumpa cherepɨ chuwi reta ramo, imeño aiko kua ara rewa. Jare jekuaeño amɨmbeu aï kua mbaembae opaete wae reta pe, iparawete wae reta wiwe jare mburuwicha reta pe awe,” jei. “Jokua mbaembae Moisés jare ïru kuimbae Tumpa iñee arakae umɨmbeu wae reta jei uyeyapota iko wae re, jokua reño ko che amɨmbeu wi.

Hechos 28:23

Jayawe jae reta upɨta pëti ara yuweru uyapɨsaka reta waerä Pablo oporomboe wae re. Jare jokua ara uwäe yawe, yuweru ye jokua judío itenondewa reta jeta ïru wae reta ndiwe. Jayawe opaete uyembatɨ reta Pablo oï wae pe. Jare jokua ndimbowe wiwe kaaruete rewa Pablo oporomboe. Jae umɨmbeu chupe reta kërái yandeRu Tumpa ombou Jesús iko waerä judío reta imburuwicha wasurä jaeño mái pewa. Jae uikuaaka wi chupe reta Jesús rewa Moisés uikuatía wae rupi jare ïru kuimbae Tumpa iñee arakae umɨmbeu wae reta uikuatía wae rupi. Jukuärái oporomboe Pablo, echa’ä jae uipotaete jae reta wi wɨrowia waerä Jesús re ramo.

Hechos 8:25

Joko wi Pedro jare Juan uikuaaka joko pe ñonoï wae reta pe yandeYa Jesucristo rewa, jare umɨmbeu chupe reta yandeYa iñee. Jayawe oë yuraa reta ye Jerusalén kotɨ. Jare yuraa yureko rambuewe ɨwɨ Samaria rupi, umɨmbeu reta ñee ikawi wae jeta tëta wasu raɨ reta rupi.

Gálatas 5:3

Jare che tae ye pewe, pe reta piyembɨcircuncidaka yawe, jayawe imeta tëi ko piyapo wi opaetei ïru mbaembae Moisés uikuatía wae rupi.

Efesios 4:17

Añawe che tae pewe yandeYa Jesús jee re piyandareko kawi piyé. Awɨye ma piko Cristo re wɨrowia mbae wae reta yureko wae rami, echa’ä jae reta ipɨayemɨngeta reta usiriwe’ä ko maeräwe.

1 Tesalonicenses 2:11

Pe reta pikuaa kawi kërái pëti pëti pe reta ore pumbɨarakuaa kawi kërái pëti kuimbae umbɨarakuaa taɨ rami.

1 Tesalonicenses 4:6

Kua nunga mbaembae rupi awɨye piyapo ikawi mbae wae perapicha kotɨ jare awɨye pembɨtawɨ wi. Echa’ä yandeYa uiporarakata oï kua nunga mbaembae uyapo wae pe kërái ore numɨmbeu pewe wae rami.