San Lucas 16:24 - Biblia

²⁴ “Jayawe usapɨkai rewe jei: ‘Cheramɨ Abraham, cheparareko mii. Emondo Lázaro tumäkɨ ipoäka ɨ pe jare tou tomoroɨ̈sa chekü. Echa’ä aiporaraete aï kua tata pe,’ jei chupe.

Guaraní Pe (Western): Simba

²⁴ Jayave iñeeãta reve jei: ‘Cheru Abraham, cheparareco. Embou Lázaro oñono vaerã ipoãca ɨ pe umãquɨ vaerã checũ. Echa'ã aiporara ete aĩ cua tata pe’ —jei, jei—.

San Lucas 16:24 Iomraidhean Croise

San Mateo 25:41

“Joko wi che jaeta cheaso kotɨ ñonoï wae reta pe: ‘Pesɨrɨ chewi tata owe mbae wae pe. Jokua tata uyeyapɨkatu ma oï Añawasu jare araɨwakue chupe uyeyokui wae reta pewarä. Joko pe pikuaata peï Tumpa iarasɨ.

San Mateo 3:9

“Jare awɨye pere pepɨa pe: ‘Tumpa ndarau uiporaraka chewe, echa’ä che ko jae Abraham iñemoñaa pewa ramo.’ Awɨye etei jokua pere, echa’ä Abraham iñemoñaa pewa yaiko wae mbae’ä ko. Jare Tumpa uipota yawe, kua ita reta wi ipuere uyapo Abraham iñemoñaa retarä,” jei chupe reta.

San Mateo 5:22

“Erëi che tae pewe wi, ime yawe kía aramoi waeño pochɨ oï japicha pe wae, jae teko pe ma oï wi jare jokua re uiporarata oï,” jei. “Jae ramiño wi ime yawe kía japicha pe jei, ‘Usiriwe mbae’ wae, jupi ko jae onoi waerä tëi teko mburuwicha reta jowai. Jare che tae pewe wi, ime yawe kía japicha pe jei, ‘Nesöso’ wae, jae jupi ko uiporara waerä Tatawasurenda pe,” jei chupe reta.

San Lucas 16:30

“Jayawe kuimbae ikokatuse wae jei Abraham pe: ‘Ndarau uyapɨsaka reta jese, cheramɨ. Erëi pëti umanokue wae oo umɨmbeu yawe chupe reta, jae reta ueyata ipɨayemɨngeta jupi mbae wae jare wɨrowiata reta Tumpa jei wae re,’ jei chupe.

San Lucas 19:9

Jayawe Jesús jei: “Kua ara ou tekowe opa mbae wae kua tëta pe. Echa’ä kua kuimbae omomoe oï tamɨkue Abraham jeko,” jei.

San Lucas 3:8

“Pipota che pumbɨsakambu waerä ɨ pe yawe, jayawe tenonde peya rani pepɨayemɨngeta jupi mbae wae Tumpa rewa. Jare tuyekuaa peya ma ko pepɨayemɨngeta jupi mbae wae mbaembae piyapo wae rupi,” jei chupe reta. “Jare awɨye pere pepɨa pe: ‘Tumpa ndarau uiporaraka chewe, echa’ä che ko jae Abraham iñemoñaa pewa ramo.’ Awɨye etei jokua pere, echa’ä Abraham iñemoñaa pewa yaiko wae mbae’ä ko. Jare Tumpa uipota yawe, kua ita reta wi ipuere uyapo Abraham iñemoñaa retarä,” jei chupe reta.

San Juan 4:10

Jayawe Jesús jei chupe: “Nde ndikuaa’ä jokua mbae Tumpa uipota umee ndewe wae. Jare ndikuaa’ä wi kía ko che ɨ aeka aï ndewe wae. Jokua ndikuaa yawe, nde ndekata tëi chewe ɨ tekowe umee wae, jare che ameeta tëi ndewe,” jei chupe.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

San Juan 7:37

Jayawe uwäe tabernáculos iara reta iyapɨ pe. Jokua ara ikawiete ïru ara reta wi chupe reta waerä. Jayawe Jesús uyemboɨ jare jei usapɨkai rewe: “Ime yawe kía iɨwe wae, tou chekotɨ tuyemɨngapɨɨ,” jei.

Romanos 4:12

Jae nunga wi Abraham ko jae orerukue, opaete ore nduyembɨcircuncidaka wae reta. Erëi jaeño orepuere ndoe jukuärái, nomomoe yawe jae jeko. Kua uipota jei jaeño ndorowia yawe Tumpa re kërái Abraham wɨrowia jese rami ndei jae uyembɨcircuncidaka mbowe.

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

Santiago 2:13

Jare ime yawe kía uiparareko’ä japicha wae, Tumpa umbɨjekota onoi kuri uiparareko mbae rewe. Erëi kía japicha uiparareko wae uyerowiata oï kuri jokua ara.

Santiago 3:6

Jare jukuärái wi ñaniñee kachi wae reta jare ndaye reta tata rami ko, jare jokua jeko pewa jeta mbae ikawi mbae wae uyeyapo. Añetete opaete yanderete pe oï wae ipɨte wi, mbaetɨ ye ïru mbae ñanererükumewa wae yandeyuru rami. Jare yande yandesɨ wi yaa wiwe yanderekowe opa rewa, ñaniñee pëti tata rami ko. Echa’ä jokua yande yae wae jeko pewa ipuere jeta uyeyapo mbae ikawi mbae wae. Jare ¿kiawi ra ou jokua ñee kachi wae? Añawasu wi etei ko ou.

Apocalipsis 19:20

Jare joko pe oï wi jokua bestia taɨkue rupi uyekuaa wae – jae ko jokua Tumpa iñee umɨmbeuraanga wae. Jare jae ko tenonde yawe tenondewa bestia jee re uyapo mbaembae kuimbae retaño ipuere’ä uyapo wae. Jukuärái jae umbɨtawɨ jokua bestia imarka onoi wae reta jare jaanga re umbɨadora wae reta. Erëi Tumpa uipɨsɨka jokua bestia jare Tumpa iñee umɨmbeuraanga wae. Jare jae reta mokui rewe Tumpa omomboka Tatawasurenda pe. Jokua tata wasu jendɨ oï azufre ndiwe.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.