San Lucas 16:22 - Biblia

²² “Erëitu pëti ara jokua kuimbae iparawete mii wae umano, jare joko wi araɨwa reta wɨraa jekowe mii yerowiarenda pe Abraham oï wae pe. Jaɨkue rupi jokua kuimbae ikokatu wae umano wi jare oñotɨ reta,” jei.

Guaraní Pe (Western): Simba

²² Jare penti ara jocua cuimbae iparavete vae umano, jare ángel reta güɨraa ara pe Abraham oĩ vae pe. Jae ramiño vi cuimbae icocatu vae umano jare uñeñotɨca —jei—.

San Lucas 16:22 Iomraidhean Croise

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 24:31

“Jare pëti temimbɨ wasu uñee oï rewe che amondota araɨwa reta umbatɨ waerä che aiparawo wae reta opaete kerupi rupi wi,” jei chupe reta.

San Mateo 8:11

“Jare che tae pewe, Tumpa oï ma yawe opaete wae imburuwicha wasurä jaeño mái pewa, yuweruta opaete ketɨ ketɨ wi jeta kua nunga judío mbae wae reta yureko waerä Tumpa ndiwe. Jare jae reta ukaruta uyerowia rewe yanderamɨkue ikowe yeta oï wae reta Abraham, Isaac, jare Jacob ndiwe,” jei chupe reta.

Marcos 8:36

“Kua re ikawi ko piyemɨngeta waerä pepɨa pe. ¿Maera ra ikawita kía umɨngana waerä opaete kua ɨwɨ pe oï wae, erëi umano ma yawe, umɨkañɨ ma iyuwi jekowe opa mbae wae? Añetete jae umɨngana’ä mbae awe,” jei.

San Lucas 12:20

“Erëi Tumpa jei jokua kuimbae pe: ‘¡Ndearakuaa mbae echa ko nde! Echa’ä kua pɨ̈tu etei aekita aï ndewi nderekowe. Jayawe ndeupi tëi ma ko jeta mbaembae ndeyupe,’ jei chupe.”

San Lucas 16:21

Echa’ä uipota echa jou tembiu kuimbae ikokatu wae imesa wi usururukue. Jare yɨmba reta yuweru jare uere chuwi ituyu,” jei.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 13:23

Pëti wae Jesús jemimboe – jae ko uauete wae – ukaru iko iyɨpɨ pe.

San Juan 21:20

Jare Pedro uyerowa umae jare uecha ou oï jaɨkue jokua jemimboe Jesús uauete wae. Jae ko jokua kuimbae tenonde yawe ukaru yureko yawe, ukaru iko Jesús iyɨpɨ pe jare jei, “CheYa, ¿kía etei pa ko jae nemeeta oï wae?” jei chupe wae.

Hebreos 1:14

Echa’ä araɨwa reta ko jae Tumpa pe uyeyokui wae retaño. Tumpa ombou ma araɨwa reta omborɨ waerä tekowe opa mbae wae onoita wae reta.

Hebreos 2:14

Opaete kua Tumpa taɨ reta yae chupe wae, jae reta ko jae soo jare tuwɨ jare maekäwe pewa. Jáeramo Jesús wi uyeyapo jae reta rami etei ipuere waerä imano rupi umɨamɨri mano iya – jae ko Añawasu.

Santiago 1:11

Warasɨ jasɨ oï yawe jare jakuwo oï yawe, opa ñana ipiru jare mbaepotɨ reta opa usururu. Maepöra’ä etei ma. Jukuärái wi ikokatu wae reta uyembɨikokatu oï rewe ukañɨ oo ñonoï.

1 Pedro 2:24

Yande jeta ma yayawɨ Tumpa kotɨ. Erëi Cristo uyekutuka iko kurusu re yawe, jae etei uiporara jete pe yanderé jokua teko ñanoi wae opa umbái waerä yandewi. Jare jukuärái Cristo uyapo yandepuere waerä yaiko jupi rupi. Jare jukuärái ko yandepuere yayapo, echa’ä yande reta ñamano rami ma ko yandereko kachi wi. Jare Cristo ipere wae rupi yakuera ma ko Tumpa kotɨ.

Apocalipsis 14:13

Jayawe ayandu ara wi ñee jei chewe: “Ikuatía kuärái: Kua wiwe yandeYa re wɨrowia rewe umanota wae reta uyekoueteta ñonoï,” jei chewe. Jare joko wi Espíritu Santo jei: “Añetete ko. Jae reta uyekoueteta ñonoï, echa’ä uputuuta reta iparawɨkɨ wi. Jare Tumpa umɨñatimata oï chupe reta mbarawɨkɨ uyapo reta Tumpa pewarä wae re,” jei.