San Lucas 16:14 - Biblia

¹⁴ Jare fariseo reta kua uyandu yawe, oyoyai Jesús. Echa’ä jae reta uipotaete korepoti.

Guaraní Pe (Western): Simba

¹⁴ Jare fariseo reta cua uyandu yave, oyoyai Jesús. Echa'ã jae reta uipota ete corepoti.

San Lucas 16:14 Iomraidhean Croise

Isaías 53:3

Jeta wae reta uñamɨtäa jare wɨrɨ̈ro kua kuimbae uiporaraete wae jare tuicha rupi ususere wae. Jae uasa yandeyɨpɨ rupi yawe, yayerowa chuwi jare yande wi yaipota’ä ñamae jese. Jeta wae reta uñamɨtäa kua kuimbae, jare jokua mbae’ä yandewe.

Jeremías 6:13

Opaete wae – iparawete wae reta wiwe jare mburuwicha retawe – ipɨa pe uipotaete ye korepoti. Oete ye jokua wi Tumpa iñee umɨmbeu wae reta jare sacerdote retawe upurumbɨtawɨ wae reta ko.

San Mateo 23:13

Joko wi Jesús jei: “Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä peporomboe kachi wae rupi piyopia peï ïru wae reta wi awɨye waerä ñonoï Tumpa ndiwe jae oï ma yawe opaete wae imburuwicha wasurä. Pe reta mbaetɨ penoi Tumpa pemburuwicha wasurä, jare jukuärái piyopia peï wi chuwi reta awɨye waerä jae reta wi onoi Tumpa,” jei chupe reta.

San Mateo 9:24

Jayawe Jesús jei chupe reta: “Peë oka pe. Kua kuñatái umano’ä oï. Okeño ko oï,” jei chupe reta. Erëi jae reta kua ñee uyandu yawe, oyoyai reta Jesús.

San Lucas 12:15

Jayawe Jesús jei opaete wae pe: “Piyandareko kawi piyé awɨye waerä jeta mbaembae pipotaete. Jeta wae reta wɨrowia tëi jeta mbaembae onoi yawe, jekowe ikawita oï. Erëi jukuärai’ä ko,” jei chupe reta.

San Lucas 20:47

“Jare jae reta puku uyerure reta Tumpa pe opaete wae umae waerä tëi jese reta jupi ko ñonoï Tumpa ndiwe wae. Erëi jae reta tawɨ rupi upɨ̈ro kuña ime umano chuwi wae reta wi imbaembae. Jáeramo täta rupi Tumpa uiporarakata oï chupe reta,” jei Jesús chupe reta.

San Lucas 23:35

Jeta wae reta joko pe umae ñonoï. Jare judío itenondewa reta oyoyai Jesús. Jei reta upuka rewe: “Jae ndaye uepɨ ïru wae reta. Añawe yaecha tuyerepɨ wi, añetete yawe jae ko Cristo Tumpa uiparawo wae,” jei reta.

San Lucas 8:53

Erëi jae reta kua ñee uyandu yawe, oyoyai reta Jesús. Echa’ä jae reta uikuaa kuñatái umano ma.

2 Timoteo 3:2

Echa’ä jeta wae reta uyandarekota oï iyeeño. Jokua nunga reta jekuaeño uipotata korepoti jae reta imaeräño. Uyembutuichata reta japicha kotɨ. Jare uyembɨkateta reta. Jare jekuaeño uyemɨngetata reta japicha kotɨ ikawi mbae wae. Jare ndarau uyapo reta tu jare ichɨ jei wae rupi. Jare ndarau umee yasurupái kía pe awe. Jare mbaembae Tumpa rewa mbaeta’ä chupe reta.

Hebreos 11:36

Ïru wae reta wɨrowia Tumpa re jeko pewa uiporara ñenupa jare ñee kachi wae. Jae nunga wi oñono reta cadena pe, jare jae reta uiporara peresorɨru pe.