San Lucas 15:28 - Biblia

²⁸ “Jare jokua uyandu yawe, taɨ tenondewa pochɨete, jare uipota’ä uike oo tëta pe. Jáeramo tu oë ou jëta wi jare umɨñera tëi taɨ uike waerä oo ukaru jae reta ndiwe,” jei.

Guaraní Pe (Western): Simba

²⁸ Jayave taɨ tenondegua vae pochɨ jare uique'ã tenta pe. Jayave tu oẽ tenta güi jare jei taɨ pe uique vaerã —jei—.

San Lucas 15:28 Iomraidhean Croise

San Mateo 20:11

“Jayawe jae reta uecha yawe oyowakeño umbɨepɨ chupe reta wae, iyengeta reta jokua uvarupa iya pe.

Marcos 1:40

Pëti ara ou owäiti Jesús pëti kuimbae ipire okui wae. Jayawe kuimbae uñeñono itawa re Jesús jowai, jare ikuasɨ katu rewe jei chupe: “Nde ndipota yawe, ndepuere chemɨnguera mii jukuärái wi chekɨa mbae aï waerä,” jei chupe.

San Lucas 13:34

Joko wi Jesús jei tuicha ipɨatɨtɨ rewe: “Pe Jerusalén pewa reta, jeta ma Tumpa ombou tëi pewe jae iñee umɨmbeu wae reta jare ïru chupe uyeyokui wae reta. Erëi pe reta jekuaeño piyapi ita pe opa piyuka,” jei. “Jeta wese ma chekɨrëɨ tëi pumbatɨ ayandareko waerä peré, pëti uru imembɨ reta umbatɨ ipepo íɨwɨ pe wae rami, erëi pe reta pipota’ä,” jei.

San Lucas 15:2

Jayawe fariseo reta jare Moisés uikuatía wae re oporomboe wae reta jei ikawi mbae wae Jesús kotɨ kuärái: “Kua kuimbae pochɨ uñemɨïru jeko kachi wae reta ndiwe, jare ukaru wi jae reta ndiwe,” jei reta.

San Lucas 15:27

Jare uyeyokui wae jei chupe: ‘Nderɨwɨ ou yewɨ. Jáeramo nderu uyukaka ma chupe waka taurusu wae umɨngɨra wɨreko wae, echa’ä taɨ ou wɨte ye chupe marái mbae ramo,’ jei chupe.

San Lucas 15:29

“Jayawe taɨ jei chupe iarasɨ rewe: ‘Mase. Jeta año ma ayeyokui ndewe jare jekuaeño ayapo nde chokui wae. Erëitu pëti wese awe nde nemee’ä chewe pëti kapura raɨ mii yepe ayuka jau waerä cheïru reta ndiwe,’ jei chupe.

San Lucas 24:47

“Jare uyekuatía oï wi kërái ñee uyemɨmbeuta oï opaete rupi ueya reta waerä ipɨayemɨngeta jupi mbae wae Tumpa rewa jare wɨrowia kawi reta waerä jese. Jare uyemɨmbeuta oï wi kërái ipuere uyembái waerä chuwi reta mbaembae uyawɨ Tumpa kotɨ wae,” jei. “Kua mbaembae uyemɨmbeuta oï cheree re, jare uyemɨmbeuta rani Jerusalén pe jare joko wi opaete ɨwɨ rupi,” jei Jesús chupe reta.

San Lucas 5:30

Erëi Moisés uikuatía wae re oporomboe wae reta jare fariseo reta kua uecha yawe, iyengeta reta Jesús jemimboe reta pe. Jei reta: “Mase, pemboea ukaru oï okowara wae reta ndiwe jare ïru jeko kachi wae reta ndiwe. ¿Kërái pa jokua añawe?” jei reta.

San Lucas 7:39

Jare fariseo Jesús pe uparea wae kua uecha yawe, uyemɨngeta ipɨa pe: “Añetete Tumpa ombou yawe kua kuimbae iñee umɨmbeu waerä, jayawe jae uikuaata tëi ko mbae nunga kuña ko uipichɨ oï ipɨ re wae. Uikuaata tëi ko jae ko jeko kachi wae.” Jukuärái jokua fariseo uyemɨngeta ipɨa pe.

Hechos 13:45

Erëi amokue judío itenondewa reta uecha yawe jeta wae reta uyapɨsaka ñonoï Pablo iñee re, jae reta uñamɨtäa umae Pablo re jare jei reta: “Kua Pablo jei wae añetete’ä ko,” jei reta. Jare jei reta ïru mbaembae kachi wae Pablo kotɨ.

Hechos 13:50

Erëi judío itenondewa reta ombowaichoka Pablo jare Bernabé kotɨ jokua tëta wasu pewa amokue kuimbae itenondewa reta jare amokue kuña ikokatu wae Tumpa wi uipɨu wae reta. Jayawe jae reta uiporaraka Pablo jare Bernabé pe, jare omombo reta iyuwi jokua tëta wasu wi.

Hechos 14:19

Joko wi yuweru amokue judío reta tëta wasu Antioquía pewa jare tëta wasu Iconio pewa wi. Jae reta wɨrowiaka jeta tëta wasu Listra pewa reta pe Pablo ko jae upurumbɨtawɨ uwata oï wae. Jayawe jeta tëta wasu pewa reta pochɨ rewe uyapi Pablo ita pe uyuka reta waerä. Joko wi umbɨtɨrɨrɨ onoe wɨraa reta tëta wasu joka kotɨ. Jare joko pe ueya reta, echa’ä wɨrowia reta umano ma ko.

Hechos 14:2

Erëi amokue judío reta wɨrowia’ä jese, jare wɨrowiaka jeta judío mbae wae reta tëta wasu pewa reta pe Pablo jare Bernabé iyapu ko jei reta. Jayawe jokua judío mbae wae reta pochɨ upɨta Pablo jare Bernabé kotɨ.

Romanos 10:19

Jayawe ¿marái ramo ra Israel iñemoñaa reta opaete seri wɨrowia’ä ñee ikawi wae re? ¿Aramoi uikuaa kawi’ä ra jokua ñee uyandu reta wae? Uikuaa kawi reta tëi ko. Jáeramo Moisés rani uikuatía kërái Tumpa jei chupe reta kuärái: “Che ayapota aï mbae ikawi wae judío mbae wae reta pe, pe judío reta piko wae piñemɨro waerä. Yepe tëi pe reta pere peï chupe reta iyarakuaa mbae wae ko jae reta, erëi che aechakata aï chupe reta chepɨakawi wae jare jukuärái pombopochɨkata aï.” Jukuärái Moisés uikuatía Tumpa iñee.

2 Corintios 5:20

Jáeramo Cristo oremondo jae jee re, jare ore rupi Tumpa umɨñera oï ɨwɨ pewa reta uyeapɨkatu waerä jae ndiwe. Jáeramo ore pumɨñera Cristo jee re pe reta piyeapɨkatu waerä Tumpa ndiwe.

1 Tesalonicenses 2:16

Echa’ä yepe tëi ore nduipota numɨmbeu judío mbae wae reta pe kërái ipuere onoi reta waerä tekowe opa mbae wae Tumpa ndiwe, erëi judío reta jekuaeño orembɨawái ñonoï. Jukuärái jae reta jekuaeño jeiete uyawɨ ñonoï Tumpa kotɨ. Jáeramo Tumpa iarasɨ oata ma oï jese reta.