San Lucas 15:24 - Biblia

²⁴ Echa’ä kua cheraɨ mii umano rami iko chewi, jare añawe ikowe ye rami ma ko chewe. Jare ukañɨ iko chewi, jare añawe ou wɨte ye ma chepɨ,’ jei tu. Jayawe umbɨpɨ jorɨkatu reta,” jei Jesús chupe reta.

Guaraní Pe (Western): Simba

²⁴ ‘Echa'ã tenonde yave cua cheraɨ penti umanocue vae rami co cheve, ẽrei añave icove ye ma cheve. Tenonde yave ucañɨ chegüi, ẽrei añave avãe ye ma chupe’ —jei, jei—. Jare umbɨpɨ reta uyembɨyerovia —jei—.

San Lucas 15:24 Iomraidhean Croise

Génesis 45:28

Jayawe jei: “¡Añetete ko aipo jayawe cheraɨ José imeño iko! Ata aecha ndei amano mbowe,” jei Jacob.

San Mateo 8:22

Jayawe Jesús jei chupe: “Eyuño che ndiwe. Emaeño jokua umano wae echa ñonoï Tumpa wi wae reta tuñeñotɨ kuri jae reta yepái,” jei chupe.

Marcos 8:22

Jayawe Jesús jare jemimboe reta yuraa uwäe tëta wasu Betsaida pe. Jare joko pe amokue wae ueru Jesús pe pëti kuimbae jesa mbae wae. Jare jae reta uyerure Jesús pe oñono waerä ipo jese umɨnguera waerä.

San Lucas 10:19

“Mase, che amee ma pewe mbaepuere aña reta re. Jare kërái kía uyapaso mboi jare chumɨkaräpe wae rami, jukuärái wi pe reta pepuereta pemɨamɨri reta,” jei. “Añetete ko, yanderowaicho Añawasu ime onoi mbaepuere. Erëi che amee ma pewe mbaepuere pemɨamɨri waerä. Ndarau etei mbae ipuere uyapo pewe,” jei.

San Lucas 15:23

Jare joko wi pekua woi piyuka waka taurusu wae yamɨngɨra ñaï wae jare pemboyɨ,’ jei chupe reta. ‘Yakaru jare yayerowia.

San Lucas 15:25

“Jare jukuärái jorɨkatu yureko reta rambuewe, taɨ tenondewa uparawɨkɨ iko koo pe. Jare jae ou ye yawe tëta kotɨ, oka wi uyandu temimbɨ reta jare uyandu wi yerowia tuicha wae o pe.

San Lucas 15:32

‘Erëi jupi ko yande yayerowia waerä jare yanderorɨkatu waerä. Echa’ä kua nderɨwɨ mii umano rami iko yandewi, erëi añawe ikowe ye rami ko yandewe. Jare ukañɨ iko yandewi, erëi añawe ou wɨte ye ma yandepɨ,’ jei taɨ pe.” Jukuärái jei Jesús umbɨjaanga rewe chupe reta.

San Lucas 15:4

“Ime yawe kía pepɨte pe pëti chiëto owecha onoi wae, jare ukañɨ yawe chuwi pëti owecha, ¿mbae ra uyapota? ¿Ndarau yerá ueya jokua noventa y nueve ñana pe oo waerä ueka jokua ukañɨ chuwi wae uwäe chupe rewa? Jukuäraita ko,” jei.

San Lucas 19:10

“Jeta wae reta ukañɨ ñonoï wae echa uikuaa’ä reta Tumpa ramo. Jáeramo che kuimbaerä ayeyapo wae ayu ko aeka reta waerä jare aepɨ reta waerä,” jei.

San Lucas 9:60

Jayawe Jesús jei chupe: “Emaeño jokua umano wae echa ñonoï Tumpa wi wae reta tuñeñotɨ kuri jae reta yepái,” jei chupe. “Erëi nde, ekua emɨmbeu kërái Tumpa imbaepuere mburuwicha wasu pewa uyembɨpɨ ma kua ɨwɨ pe,” jei chupe.

San Juan 11:25

Jayawe Jesús jei chupe: “Che ko jae tekowe amee wae jare umanokue wae reta ambɨjekowe ye wae,” jei chupe. “Cheré wɨrowia wae reta, yepe tëi umano, erëi ikowe yeta ñonoï.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

Romanos 11:15

Jukuärái aipota, echa’ä aikuaa aï jokua ara judío reta wɨrowia yawe Jesucristo re, ikawiete yeta ko yandewe. Añawe rupi judío reta wɨrɨ̈ro ma Jesús ramo, jeta pe judío mbae piko wae reta piyeapɨkatu ma Tumpa ndiwe. Erëi ¿mbowɨ ye ye ra ko piyerowiata peï kuri judío reta uñatima ye yawe Tumpa kotɨ? Añawe judío reta umano oï wae echa rami ko. Erëi jokua ara jae reta wɨrowia yawe, yurekota umanokue wae reta ikowe ye wae rami.

Romanos 12:15

Jare ime yawe kía pepɨte pe uyerowia oï wae, pe reta wi piyerowia jae ndiwe. Jae ramiño wi ime yawe kía pepɨte pe ipɨatɨtɨ oï wae, pe reta wi pepɨatɨtɨ jae ndiwe.

Romanos 6:11

Jukuärái wi pe reta, yepe tëi amo pe ime jokua kɨrëɨ mbae kachi piyapo waerä, erëi piyemɨngetata ko pepɨa pe kuärái: “Che pëti ramiño ko aï Cristo re. Jare jukuärái amano rami ma ko Cristo ndiwe kua kɨrëɨ wi. ¿Maera pa ayawɨta Tumpa kotɨ jayawe? Añawe aï ma ko Tumpa jee ambutuicha waeräño.” Jukuäraita ko yayemɨngeta yandepɨa pe.

Romanos 6:13

Añawe pe reta ko jae umano wae ikowe ye ou wae rami. Jáeramo awɨye ye ma pemee perete teko kachi pe. Awɨye ye ma perete tuiko teko kachi jembiporu rami. Erëi piñemee mii Tumpa pe piyapo waerä mbae ikawi wae. Perete tuiko Tumpa jembiporu rami piyapo waerä mbae jupi wae.

Romanos 8:2

Echa’ä yepe tëi yayawɨ Tumpa kotɨ, jare jokua jeko pewa imeta tëi ko ya Tatawasurenda pe, erëi añawe Tumpa yanderepɨ ma chuwi Jesucristo rupi. Echa’ä pëti ramiño ñaï Jesucristo re, jare jukuärái Tumpa umee yandewe Espíritu Santo. Jare jokua Espíritu Santo rupi ime ma ñanoi tekowe ipɨau wae. Jáeramo ndarau ma Tumpa yanembɨsɨrɨ iyuwi.

1 Corintios 12:26

Añetete pëti mbae yanderete pewa uiporara oï yawe, opaete yanderete pewa reta uiporara ñonoï päwe. Jukuärái wi pëti mbae yanderete pewa uyerowia oï yawe, opaete yanderete pewa reta uyerowia ñonoï wi.

Efesios 2:1

Erëi ndei Jesucristo re perowia mbowe, pemano wae echa piko mbɨrɨ tekowe iYa wi, pereko kachi rupi jare piyawɨ Tumpa kotɨ jeko pewa.

Efesios 2:5

Jáeramo yepe tëi ñamano wae echa yaiko Tumpa wi yayawɨ ikotɨ jeko pewa, jesewe Tumpa umee yandewe tekowe ipɨau wae. ¿Kërái ra ko jokua? Yaikuaa ñaï yandeRu Tumpa umbɨjekowe ye Cristo ueru umanokue wae reta ipɨte wi. Jukuärái rami Tumpa yanembɨjekowe ye ma jae yandapo pëti ramiño Cristo re yawe. Jayawe Tumpa ipɨakawi tuicha ramo, yanderepɨ ma teko ikotɨ ñanoi wae wi.

Efesios 5:14

Jokua jeko pewa ko jei chupe reta kuärái: “Ndeke neï wae, esarekoño ma. Epüa eyu umanokue wae reta ipɨte wi. Jare Cristo umeeta oï ndewe tembipe,” jei chupe reta.

1 Timoteo 5:6

Erëi ime yawe pëti kuña ime umano chuwi wae jare jae jekuaeño iko jete uipota uyapo wae rupiño, jae ko umano wae echa iko mbɨrɨ Tumpa wi. Jáeramo jokua nunga ndarau ikawi yamborɨ waerä.

Judas 1:12

Jae nunga wi pe reta piyembatɨ yawe pekaru päwe waerä, kua kuimbae reta yuweru ukaru pe reta ndiwe uipɨu mbae rewe. Kua pëti ñemɨmaraka ko. Jae reta ko owecha iyandarekoa ikawi mbae wae reta rami, echa’ä jaeño uyandareko reta iyé. Jae reta ko jae amapɨ̈tu ɨwɨtu opa wɨraa wae rami jare okɨ'ä, echa’ä jae reta ikawi’ä maeräwe. Jare jukuärái wi jae reta ko jae temitɨ iata tëi, erëi ia’ä wae rami. Ani yandepuere yae jae reta ko jae jokua temitɨ uyemondoro wae rami, echa’ä ndarau etei mbae ikawi wae uyekuaa jese reta.

Apocalipsis 3:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Sardis pe. Ikuatía chupe kua chiñee kuärái: ‘Che ko jae jokua chiu yasɨtata ipo pe onoi wae jare Tumpa iEspíritu Santo chiu wese ye jupi wae onoi wae. Jare che tae Sardis pewa cheré wɨrowia wae reta pe kuärái: Che aikuaa opaete mbae piyapo wae. Jeta wae reta jei tëi pewe pe reta pepɨräta peï Tumpa re. Erëi che tae pe reta jukuärai’ä ko wae.