San Lucas 15:2 - Biblia

² Jayawe fariseo reta jare Moisés uikuatía wae re oporomboe wae reta jei ikawi mbae wae Jesús kotɨ kuärái: “Kua kuimbae pochɨ uñemɨïru jeko kachi wae reta ndiwe, jare ukaru wi jae reta ndiwe,” jei reta.

Guaraní Pe (Western): Simba

² Jayave fariseo reta jare mboroyocui re oporomboe vae reta iñeenguru jese. Jae reta jei: —Cua cuimbae uñemɨĩru teco icavi mbae vae uyapo vae reta ndive, jare ucaru jae reta ndive.

San Lucas 15:2 Iomraidhean Croise

San Mateo 11:19

Erëi che kuimbaerä ayeyapo wae akaru jare jau vino. Erëi jei reta tëi che rewa: ‘Mase, jokua kuimbae tuicha ukaru jare isawɨpose. Jare jae nunga wi uñemɨïru jeko kachi wae reta ndiwe jare mburuwicha pewarä okowara wae reta ndiwe,’ jei reta. Erëitu opaete ore ndoporomboe wae rupi yureko wae reta uikuaata añetete ko oriñee arakuaa pewa,” jei Jesús chupe reta.

San Mateo 9:11

Jayawe amokue fariseo reta kua uecha yawe, jei reta Jesús jemimboe reta pe: “Mase, pemboea ukaru oï okowara wae reta ndiwe jare ïru jeko kachi wae reta ndiwe. ¿Kërái pa jokua añawe?” jei reta.

San Lucas 15:3

Jayawe Jesús jei chupe reta umbɨjaanga rewe:

San Lucas 19:7

Jare opaete wae reta kua uecha yawe, jaekawi’ä chupe reta jare jei iyupe reta: “¿Kërái jokua añawe Jesús oo upɨta oï kuimbae jeko kachi wae jëta pe?” jei reta.

San Lucas 5:30

Erëi Moisés uikuatía wae re oporomboe wae reta jare fariseo reta kua uecha yawe, iyengeta reta Jesús jemimboe reta pe. Jei reta: “Mase, pemboea ukaru oï okowara wae reta ndiwe jare ïru jeko kachi wae reta ndiwe. ¿Kërái pa jokua añawe?” jei reta.

San Lucas 7:34

“Erëi che kuimbaerä ayeyapo wae akaru jare jau vino. Erëi pe reta piyemɨngeta cheré kuärái: ‘Mase, jokua kuimbae tuicha ukaru jare isawɨpose. Jare jae nunga wi uñemɨïru jeko kachi wae reta ndiwe jare mburuwicha pewarä okowara wae reta ndiwe,’ pere.

San Lucas 7:39

Jare fariseo Jesús pe uparea wae kua uecha yawe, uyemɨngeta ipɨa pe: “Añetete Tumpa ombou yawe kua kuimbae iñee umɨmbeu waerä, jayawe jae uikuaata tëi ko mbae nunga kuña ko uipichɨ oï ipɨ re wae. Uikuaata tëi ko jae ko jeko kachi wae.” Jukuärái jokua fariseo uyemɨngeta ipɨa pe.

Hechos 11:3

Jare jei reta chupe: “¡Ndiyawɨ ma yandereko jei wae, echa’ä ndike judío mbae wae reta jëta pe jare ndekaru jae reta ndiwe!” jei reta chupe.

Gálatas 2:12

Echa’ä jaeramo ou yawe, ukaruñoi judío mbae wae reta ndiwe. Jokua jaekawi ko. Erëi yuweru uwäe amokue judío reta Jacobo ombou wae reta, jare Pedro umbɨpɨ usɨrɨ judío mbae wae reta wi. Echa’ä ukɨye jokua judío reta wi aramoi umbɨjekota reta Pedro jae judío mbae wae reta ndiwe ukaru wae re.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.