San Lucas 15:15 - Biblia

¹⁵ Jayawe jae oo ueka iyupe mbarawɨkɨ jokua ɨwɨ pewa kuimbae pe. Jare jokua kuimbae omondo umɨngaru waerä kuchi reta,” jei.

Guaraní Pe (Western): Simba

¹⁵ Jayave oo uyerure penti patrón pe umee vaerã chupe mbaravɨquɨ. Jayave jocua patrón omondo jenta pe umɨngaru vaerã cuchi reta —jei—.

San Lucas 15:15 Iomraidhean Croise

Éxodo 10:3

Jayawe Moisés jare Aarón yuraa reta mburuwicha wasu jowai, jare jei reta chupe: “Ore hebreo reta nduiko wae, oreTumpa ikoño mái wae jei ndewe kuärái: “¿Marái ramo ndipota’ä ñeño niñemɨmichi cherowai? Emaeño aiparawo wae reta re oë yuraa cheree umbutuicha reta waerä.

San Mateo 7:6

Jare jei wi chupe reta: “Ime yawe kía uipota’ä uyapɨsaka Tumpa iñee re wae, ¿mbae ra yayapota yande reta? ¿Ñameeta ra mbae ikawiete ye wae yɨmba reta pe? Jare ¿ñameeta ra ita ikawiete wae jare jepɨete wae kuchi reta pe? Ndarau ñamee, echa’ä mbae’ä chupe reta. Kuchi reta upɨ̈roñota jese, jare yɨmba reta ipuereta ou yandesuu. Jukuärái wi jupi’ä ko jekuaeño yamɨmbeu waerä Tumpa iñee kía pe uipota’ä uyapɨsaka jese yawe,” jei chupe reta.

San Lucas 15:13

“Jare ndei jeta ara uasa mbowe, jokua taɨ taɨkuewa opa ma owaka jokua mbaembae tu umee tëi chupe wae. Jare jokua korepoti re jae oë oo mbɨrɨ ambɨe ɨwɨ kotɨ. Jare joko pe uipɨu mbae rewe opa uiporu iyuwi ikorepoti mbaembae kachi wae rupi,” jei.

San Lucas 15:14

“Jare mbaetɨ etei ma mbae onoi yawe, ou karuái wasu jokua ɨwɨ pe. Jáeramo jokua kunumi parawete umbɨpɨ ikuasɨ.

San Lucas 15:16

“Jokua kunumi parawete iyembaɨete, jare uipota echa uyemupunga tëi jokua ɨwope kuchi reta jou wae pɨpe. Erëi kiawe mbaetɨ ye mbae umee chupe jou waerä,” jei chupe reta.

Romanos 6:22

Erëi añawe, ime yawe jokua kɨrëɨ mbae kachi piyapo waerä wae, jokua kɨrëɨ ndarau ye ma onoi mbaepuere peré. Ndarau ma piko jokua kɨrëɨ pe täta rupi piyeyokui waerä, echa’ä Tumpa peyora ma ko chuwi jare añawe täta rupi piyeyokui peï Tumpa pe. Jare jokua ikawita oï pewe, echa’ä opa ara rupi jekuaeño pereko oya katu oo oï jupi wae re. Jare jae nunga wi perekowe opa yawe kua ɨwɨ pe, imeta penoi tekowe opa mbae wae.

Tito 3:3

Emɨmandúa reta yande ndei Cristo re yarowia mbowe, yandereko ikawi’äse. Yande yaikose yandearakuaa mbae echa. Yaikose yaipota wae reño yayembɨyerowia waerä. Jare yayembɨtawɨse. Mbaembae kachi yanderete re yareko wae jekuaeño ime wɨreko mbaepuere yanderé. Yayapoñoise mbaembae kachi wae, jare ñañemɨrose yanderapicha reta pe. Ñañeamɨtäase yanderapicha reta ndiwe. Jukuärái yande yaikose tenonde yawe.