San Lucas 15:1 - Biblia

¹ Jokua ara reta rupi jekuaeño uyembatɨ yureko Jesús oï wae pe jeta mburuwicha pewarä okowara wae reta jare jeta jeko kachi wae reta uyapɨsaka waerä Jesús iñee re.

Guaraní Pe (Western): Simba

¹ Jayave uyembatɨ Jesús oĩ vae pe jeta mburuvicha peguarã ocovara vae reta jare teco icavi mbae vae uyapo vae reta.

San Lucas 15:1 Iomraidhean Croise

San Mateo 5:46

“Erëi pe reta peau yawe jokua perau wae retaño, ¿jokua re umɨñatimata ra pewe ikawi wae Tumpa? Ndarau. Echa’ä mburuwicha pewarä okowara wae reta uyapo wi jukuärái,” jei chupe reta.

San Lucas 13:30

“Pemandúa kua re: Amokue añawe rupi usiriwe mbae echa ñonoï wae reta, jokua ara Tumpa umbutuichata oï reta kuri. Jae ramiño wi amokue añawe rupi uyembutuichaka ñonoï wae reta, Tumpa umɨmichita oï reta kuri,” jei Jesús chupe reta.

San Lucas 7:29

“Opaete wae – jare jae nunga wi mburuwicha pewarä okowara wae retawe – uyapɨsaka Juan re jare umaeño reta jese umbɨsakambu reta waerä ɨ pe. Jukuärái jae reta uikuaaka wɨrowia ma ko Tumpa jei wae re,” jei chupe reta.

Romanos 5:20

Arakae Tumpa uikuaaka Israel iñemoñaa reta pe kërái yureko reta waerä – jae ko mbaembae uyapota ko reta wae jare mbaembae awɨyeta ko uyapo reta wae. Jare jukuärái Tumpa uyapo opaete yande yaikuaa kawi waerä yandereko tuicha wae ko jae jei wae yayawɨ ramo. Erëi yepe tëi yande jeta yayawɨ Tumpa jei wae jare yandereko jekuaeño ukuakuaa oo iko, erëi jesewe Tumpa tuichaete ye ipɨakawi yandewe.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.