San Lucas 14:7 - Biblia

⁷ Jayawe Jesús uecha opaete tëta iya uparea chupe wae reta uiparawo ñonoï iyupe tenda tenondewa ikawi wae reta mesa pe. Jayawe umbɨarakuaa reta kuärái:

Guaraní Pe (Western): Simba

⁷ Jayave Jesús uecha quirãi opaete tenta iya uparea chupe vae reta uiparavo tenda icavi vae. Jayave jei chupe reta umɨjaanga reve:

San Lucas 14:7 Iomraidhean Croise

San Mateo 13:34

Jukuärái ko Jesús jei jeta mbaembae umbɨjaanga rewe uyembatɨ wae reta pe. Mbae nunga ñee awe jei’ä umbɨjaanga mbae rewe.

San Mateo 23:6

“Jare yuraa reta yawe tupao pe, jae reta uipotaete uwapɨ tenda tenondewa ikawiete wae pe. Jare jukuärái uyapo reta wi uparea chupe reta yawe,” jei.

San Lucas 11:43

“Pe fariseo piko wae reta, ¡Tumpa tuicha uiporarakata oï pewe!” jei chupe. “Echa’ä peo yawe tupao pe, jekuaeño pipotaete pewapɨ tenda tenondewa ikawiete wae pe. Jare pewata peï mercado rupi yawe, jekuaeño pipota ïru wae reta uipɨu rewe pembɨsaluda waerä,” jei chupe.

San Lucas 20:46

“Piyandareko kawi piyé Moisés uikuatía wae re oporomboe wae reta wi,” jei chupe reta. “Echa’ä jae reta jekuaeño uipota uyepɨuka waerä ïru wae reta pe. Jáeramo jekuaeño uyemonde kawi reta uyechaka waerä jae reta ko jae tenondewa reta,” jei. “Jare jae reta uwata ñonoï mercado rupi yawe, jekuaeño uipota ïru wae reta umbɨsaluda waerä uipɨu chuwi rewe,” jei. “Jare yuraa reta yawe tupao pe, jae reta uipotaete uwapɨ tenda tenondewa ikawiete wae pe. Jare jukuärái uyapo reta wi uparea chupe reta yawe,” jei.

Filipenses 2:3

Awɨye mbae piyapo piyembutuicha rewe jare piyembɨkate rewe. Erëi pëti pëti tumae uñemɨmichi rewe ïru wae reta re jae ko itenondewa rami.

3 Juan 1:9

Kua re che aikuatía ma pewe tëi, pe Cristo re perowia wae reta joko pe peï wae pe. Erëitu Diótrefes uipota’ä uyapɨsaka, echa’ä jaeño uipota iko hermano reta itenondewarä.