San Lucas 14:32 - Biblia

³² “Jare uikuaa yawe ipuereta’ä umɨamɨri wae, jae omondota amokue wae uyapɨkatu waerä jowaicho ndiwe mbɨrɨ wɨteño ñonoï chuwi reta rambuewe,” jei Jesús umbɨjaanga rewe.

Guaraní Pe (Western): Simba

³² Echa'ã ipɨa pe uyemɨngueta yave isundaro reta ndarau umɨamɨri jovaicho isundaro reta, mbɨrɨ jovaicho güi oĩ rambueve, omondota amocue vae reta uyerure vaerã chupe agüɨye vaerã uñerãro jae ndive —jei—.

San Lucas 14:32 Iomraidhean Croise

San Mateo 5:25

“Jae ramiño wi ime yawe kía uipota uñeapo nderé wae, ekua iyeapɨkatu jae ndiwe ɨmambaeño. Echa’ä jukuärai’ä ndiyapo yawe, jae uñeapota oï nderé mburuwicha pe, jare mburuwicha neñonota peresorɨru iyandarekoa ipo pe jae neñonoka waerä peresorɨru pe,” jei.

San Mateo 5:42

“Jae ramiño wi ime yawe kía mbae ueka ndewe wae, emeeño chupe. Awɨye embɨete chupe. Jare ime yawe kía uipota mbae uiporu ndewe wae, iporuka chupe,” jei Jesús chupe reta.

San Lucas 12:58

“Ikawi ko kua re piyemɨngeta waerä pepɨa pe. Pe reta pikuaa kawi peï, ime yawe kía uipota uñeapo nderé wae, ikawi ko ndeo ndiyeapɨkatu waerä jae ndiwe ɨmambaeño. Echa’ä jukuärai’ä ndiyapo yawe, jae uñeapota oï nderé mburuwicha pe, jare nde imeta ko ndeo ndiyemboɨ mburuwicha jowai. Joko wi mburuwicha neñonota peresorɨru iyandarekoa ipo pe jae neñonoka waerä peresorɨru pe,” jei.

San Lucas 14:31

“Jae ramiño wi pëti mburuwicha wasu uecha yawe ïru mburuwicha wasu ou oï ikotɨ 20.000 sɨndaro reta ndiwe, jare jae jaeño ime onoi 10.000 sɨndaro reta, jayawe ¿mbae ra jae uyapota?” jei. “Jayawe, ¿jae tenonde uwapɨta’ä yerá uyemɨngeta kawi waerä ipɨa pe ipuereta ra jokua 10.000 isɨndaro reta umɨamɨri waerä jokua 20.000 sɨndaro reta ñonoï wae? Jukuäraita ko,” jei.

San Lucas 14:33

“Jae ramiño wi pe pipota cheremimboerä piko wae reta, piyemɨngeta kawi kua re pepɨa pe. Echa’ä ime yawe pepɨte pe kía uipota iko cheremimboerä wae, imeta ko jae ma oï opaete imbaembae ueya waerä. Erëi jukuärai’ä yawe, ndarau ipuere iko cheremimboerä,” jei chupe reta.

San Lucas 19:14

“Erëitu jëtáɨwa reta uñamɨtäa umae jese. Jáeramo omondo reta tëi jaɨkue jei reta waerä jokua mburuwicha wasu pe: ‘Ore nduipota’ä jokua kuimbae oï waerä oremburuwicharä,’ jei reta tëi.

Hechos 12:20

Jokua ara reta rupi, Herodes pochɨ iko tëta wasu Tiro jare Sidón pewa reta kotɨ. Jokua yawaiete iko chupe reta, echa’ä jae reta jekuaeño ueru jembiurä Herodes iɨwɨ wi. Erëi añawe Herodes owaka’ä ma chupe reta. Jáeramo jae reta omondo amokue itenondewa reta uyeapɨkatu waerä Herodes ndiwe. Jayawe jae reta uñemɨïru kawi kuimbae Blasto jee wae ndiwe. Kua kuimbae Blasto uyeyokui Herodes pe, jare Herodes wɨrowia katu jese.