San Lucas 14:3 - Biblia

³ Jayawe Jesús upɨrandu jokua mburuwicha reta pe kuärái: “Moisés arakae uikuatía wae rupi, ¿yandepuere pa yapurumɨnguera mbutuu ara pe, ani mbaetɨ?” jei chupe reta.

Guaraní Pe (Western): Simba

³ Jayave Jesús upɨrandu mboroyocui re oporomboe vae reta jare fariseo reta pe: —¿Jei pa mboroyocui yandepuere yambɨgüera vaerã quía mbutuu ara pe?

San Lucas 14:3 Iomraidhean Croise

San Mateo 12:10

Jare joko pe oï wi pëti kuimbae ipo jowaicho utini wae. Jayawe amokue fariseo reta upɨrandu Jesús pe: “Tumpa jei wae rupi, ¿yandepuere pa yapurumɨnguera mbutuu ara pe?” jei reta chupe. Jukuärái upɨrandu reta ipuere waerä tëi umbɨjeko reta Jesús jae mbae jei wae re.

San Mateo 12:2

Erëi amokue fariseo reta uecha, jare jei Jesús pe: “Mase, nderemimboe reta uyapo ñonoï Moisés arakae jei awɨyeta ko yayapo tëi mbutuu ara pe wae,” jei reta.

San Mateo 22:35

Jayawe pëti wae – jae ko Moisés uikuatía wae re oporomboe wae – upɨrandu Jesús pe mbae re uyawɨka waerä tëi chupe iñee rupi.

Marcos 3:4

Jayawe Jesús upɨrandu fariseo reta pe: “¿Mbae ra ko jupi yayapo waerä mbutuu ara pe? ¿Ikawi wae, ani ikawi mbae wae? ¿Yapuruepɨ waerä, ani yapuruyuka waerä? ¿Mbae pa jei Tumpa kua rewa?” jei chupe reta. Erëi jae reta jei’ä mbae awe.

San Lucas 14:2

Jare Jesús uecha joko pe oï pëti kuimbae opaete jete iruru wae. Tuicha uiporara parawete.

San Lucas 14:4

Jayawe jae reta kïiño upɨta. Jayawe Jesús oñono ipo kuimbae imbaerasɨ wae re jare umɨnguera. Jare jei chupe: “Ekua ye nerëta pe,” jei chupe.

San Lucas 6:9

Jayawe Jesús upɨrandu fariseo reta pe: “¿Mbae ra ko jupi yayapo waerä mbutuu ara pe? ¿Ikawi wae, ani ikawi mbae wae? ¿Yapuruepɨ waerä, ani yapuruyuka waerä? ¿Mbae pa jei Tumpa kua rewa?” jei chupe reta.

San Juan 7:23

“Jayawe pe reta pipota’ä piyawɨ Moisés jei wae ramo, amo pe piyapo kua mbarawɨkɨ mii ara mbutuu pe. Jáeramo, ¿marái ramo jayawe pe reta pepochɨ peï chewe kua mbae ikawiete wae ayapo ara mbutuu pe ramo? Che amɨnguera pëti kuimbae opaetei jete, jare jokua mbarawɨkɨ ikawiete ye ko yembɨcircuncidaka wi,” jei.