San Lucas 14:27 - Biblia

²⁷ “Jare ime yawe kía mbaetɨ owoɨ wɨraa ikurusu oo cherupie wae, ndarau ipuere iko cheremimboerä,” jei chupe reta.

Guaraní Pe (Western): Simba

²⁷ Jare ime yave quía ovoɨ'ã icurusu oo vaerã cherupíe vae, ndarau ipuere ico cheremimboerã —jei—.

San Lucas 14:27 Iomraidhean Croise

San Mateo 10:38

Jare ime yawe kía mbaetɨ owoɨ ikurusu oo cherupie wae, jupi’ä ko iko waerä cheremimboerä,” jei chupe reta.

San Mateo 13:21

“Erëi Tumpa iñee uyembɨjapo kawi’ä ipɨa pe ramo, ɨmambae ikueri. Yembɨawái ou chupe yawe, jare ïru wae reta uyapo ikawi mbae wae chupe yawe Tumpa iñee re wɨrowia jeko pewa, jayawe jupiwoiño opia Tumpa jape wi,” jei chupe reta.

Marcos 10:21

Jayawe Jesús umae jese uiparareko rewe jare jei chupe: “Imeño mbae uata oï ndewe ndiyapo waerä,” jei chupe. “Ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

Marcos 15:21

Jare yuraa yureko reta rambuewe, owäiti reta pëti kuimbae Simón jee wae uwäe ma ou oï tëta wasu pe. Kua kuimbae tëta wasu Cirene pewa ko, jare jae ko Alejandro jare Rufo jee wae tu. Jayawe sɨndaro reta wɨraaka chupe Jesús ikurusu.

San Lucas 14:28

“Ime yawe kía uipota iko cheremimboerä wae, tuyapo kua rami – yambɨjaanga: Pëti kuimbae uipota uyapo yawe tëta ɨwate wae, tenonde uwapɨta ko uyemboe jese waerä uikuaa waerä mbowɨ ra jepɨta jokua tëta, jare jukuärái uikuaa waerä ikorepoti uepitɨta ra opa uyapo waerä,” jei.

San Juan 19:17

Jayawe oñono reta Jesús iyatiɨ re kurusu jae uyekutukata jese wae wɨraa waerä. Jare oo joko wi Jesús kurusu rewe. Jare sɨndaro reta wɨraa uruwäe Äkakuerenda jei chupe reta wae pe. Kua ko jee Gólgota judío reta iñee pe.

Hechos 14:22

Jare jokua tëta wasu reta rupi, jae reta jekuaeño uyembatɨ Cristo re wɨrowia wae reta ndiwe. Jare omboe reta ye Tumpa iñee re umɨmɨräta reta waerä Tumpa re. Jare umɨkɨrëɨ reta awɨye uyerowa ye reta waerä Tumpa wi. Jare jei wi chupe reta: “Pëti ara Tumpa ikota opaete wae imburuwicha wasurä jaeño mái pewa. Jare yande yaiporara ñotái ko jeta ñaï waerä jae ndiwe, echa’ä Tumpa jowaicho reta ikuerita’ä uiporaraka yandewe ramo.” Jukuärái jei chupe reta.

2 Timoteo 1:12

Jáeramo Jesucristo jowaicho reta cheñonoka kua peresorɨru pe. Erëi che chemara’ä aï aiporara aï wae re, echa’ä aikuaa aï Jesucristo. Jare arowia katu aï jese chemborɨta oï wae opa ayapo waerä jokua jae umee chewe ayapo waerä wae. Jare jokua ara jae ou ye yawe, jae umeeta oï chewe mbae ikawi wae jokua ayapo wae re.

2 Timoteo 3:12

Añetete kía uipota iko jupi rupi pëti ramiño Jesucristo re wae, uiporara ñotái ko Tumpa jowaicho reta ipo pe.