San Lucas 14:11 - Biblia

¹¹ “Echa’ä opaete uyembutuicha wae reta, Tumpa umɨmichita yepe kuri. Jare opaete uñemɨmichi wae reta, Tumpa umbutuichata yepe kuri,” jei chupe reta.

Guaraní Pe (Western): Simba

¹¹ Echa'ã ime yave quía uyembutuicha vae, uñemɨmichicata co. Jare ime yave quía uñemɨmichi vae, uyembutuichacata co —jei.

San Lucas 14:11 Iomraidhean Croise

San Mateo 23:12

Echa’ä Tumpa umɨmichita oï uyembutuicha wae reta, jare umbutuichata oï uñemɨmichi wae reta,” jei chupe reta.

San Lucas 1:51

Jae uikuaaka ma kërái jae imbaepuere tuichaete ko. Jare opa umɨkañɨ uyembɨkate wae reta ipɨayemɨngeta.

San Lucas 1:52

Jae upɨ̈ro mburuwicha reta wi imbaepuere, jare umbutuichaka iparawete wae reta.

San Lucas 14:12

Jayawe Jesús jei tëta iya pe: “Nde ndeparea yawe, awɨye eparea neïru reta pe, jare nerëtara reta pe, jare nerëta ïru ikokatu wae reta pe. Echa’ä jae reta ipuere wi uparea ndewe nde ndeparea chupe reta ramoño, jare jukuärái rupi umɨñatimata ma ndewe,” jei chupe.

San Lucas 18:14

Jayawe Jesús jei wi chupe reta: “Che tae pewe, jokua mburuwicha pewarä okowara wae oo ye jëta pe ipɨakatu rewe, Tumpa ndiwe uyeapɨkatu ramo. Echa’ä Tumpa umae jese jeko mbae wae rami,” jei. “Erëi jokua fariseo re jukuärai’ä umae. Echa’ä Tumpa umɨmichita oï uyembutuicha wae reta, jare umbutuichata oï uñemɨmichi wae reta,” jei chupe reta.

Santiago 1:9

Kía Cristo re wɨrowia wae iparawete wae tuyerowia, echa’ä Tumpa umbutuicha ikotɨ ramo.

Santiago 4:10

Piñemɨmichi yandeYa jowai, jare jae pembutuichata oï kuri.

Santiago 4:6

Yawái kua ñee mii reta, erëi Tumpa tuicha ipɨakawi rupi yanemborɨ jupi yaiko waerä jae imaerä. Jukuärái uyekuatía oï Tumpa iñeerɨru pe, echa’ä joko pe jei yandewe kuärái: “Tumpa oyowaicho oï uyembutuicha wae reta ndiwe. Erëi ipɨakawi oï uñemɨmichi wae reta pe.” Jukuärái uyekuatía oï.

1 Pedro 5:5

Taurusu wae reta tuyapo itenondewa reta jei wae rupi. Jare opaete pe reta, piyeyokuita ko peyupe piñemɨmichi rewe. Echa’ä Tumpa ipɨakawi uñemɨmichi wae reta pe, erëi jae oyowaicho uyembutuicha wae reta ndiwe.

1 Pedro 5:6

Tumpa imbaepuere tuichaete ko. Jáeramo piñemɨmichi jae jowai, jae pembutuichaka waerä jae uipota yawe.