San Lucas 14:1 - Biblia

¹ Pëti mbutuu ara Jesús oo ukaru pëti fariseo reta itenondewa jëta pe. Jare ime ïru fariseo reta jare Moisés uikuatía wae re oporomboe wae reta joko pe ñonoï wi. Jae reta ueka yureko tëi kërái umbɨjeko waerä Jesús. Jáeramo umae ngatu yureko jese.

Guaraní Pe (Western): Simba

¹ Jare penti mbutuu ara pe Jesús oo uique penti fariseo reta itenondegua jenta pe ucaru vaerã jae ndive. Jare fariseo reta umae ñugüɨnoi Jesús re.

San Lucas 14:1 Iomraidhean Croise

San Mateo 12:12

“Erëi yande ikawiete ye ko owecha reta wi. Jáeramo yayapo yawe ikawi wae mbutuu ara pe, yayawɨ'ä ko ñaï Tumpa iñeerɨru pe jei wae,” jei chupe reta.

Marcos 3:2

Jare fariseo reta umae ngatu Jesús re upurumɨnguerata ra mbutuu ara pe wae re. Echa’ä Jesús umɨnguera yawe kuimbae, jeita reta Jesús uparawɨkɨ ma mbutuu ara pe jare umbɨjekota tëi reta jokua re.

San Lucas 11:37

Jare opa ma Jesús uyemɨngeta yawe, pëti fariseo uparea chupe oo ukaru waerä jëta pe. Jayawe yuraa reta fariseo jëta pe, jare joko pe Jesús uwapɨ ukaru waerä.

San Lucas 14:2

Jare Jesús uecha joko pe oï pëti kuimbae opaete jete iruru wae. Tuicha uiporara parawete.

San Lucas 17:20

Pëti wese fariseo reta upɨrandu Jesús pe kërái yawe etei ra uyekuaata Tumpa imbaepuere mburuwicha wasu pewa kua ɨwɨ pe. Jayawe Jesús jei chupe reta: “Jokua jae’ä ko mbae pepuere pemae jese wae,” jei.

San Lucas 20:20

Jayawe jokua mburuwicha reta jekuaeño umae yureko Jesús re, jare omondo wi ïru wae reta uipiäro waerä Jesús. Jae reta uipota tëi umbɨtawɨ Jesús jae wɨrowia waerä jae reta jupi wae ko. Erëitu jae reta jaeño uipota tëi umbɨjeko Jesús jae uyemɨngeta wae rupi, uñeapo reta waerä tëi jese mburuwicha romano pe.

San Lucas 6:7

Jare Moisés uikuatía wae re oporomboe wae reta jare fariseo reta umae ngatu Jesús re upurumɨnguerata ra mbutuu ara pe wae re. Echa’ä Jesús umɨnguera yawe kuimbae, jeita reta Jesús uparawɨkɨ ma mbutuu ara pe jare umbɨjekota tëi reta jokua re.

San Juan 3:1

Ime iko pëti fariseo Nicodemo jee wae. Jae ko pëti judío reta imburuwicha.

Hechos 5:34

Erëi mburuwicha reta ipɨte pe oï wi pëti fariseo Gamaliel jee wae. Jae ko pëti wae Moisés uikuatía wae re oporomboe wae, jare opaete tëta wasu pewa reta umae kawi jese. Jayawe Gamaliel uyemboɨ jare omoëka michi pewa Jesús jemimboe tenondewaete reta ikotɨ̈a.