San Lucas 13:4 - Biblia

⁴ “Jare pemandúa peï wi jokua tëta ɨwate wae Siloé pe iko wae re, kërái opa uyapara jare opa uyuka jokua dieciocho wae reta. Aramoi pe reta perowia tëi opaete Jerusalén pewa reta ipɨte wi, jokua dieciocho umano wae reta jeko kachiete wae ko Tumpa jowai,” jei.

Guaraní Pe (Western): Simba

⁴ Jare jocua torre Siloé pe oĩse vae usururu jocua dieciocho vae re jare uyuca reta. Aramoi pe reta pepɨa pe piyemɨngueta jocua dieciocho vae iyoa ete opaete ĩru Jerusalén pegua reta güi —jei—.

San Lucas 13:4 Iomraidhean Croise

San Mateo 18:24

Jayawe pëti pëti rupi ueruruka reta jae jowai ipuere waerä upɨrandu chupe reta jae reta ipía rewa,” jei. “Jayawe ou uyemboɨ jae jowai pëti pione jetaete ye ye korepoti pe ipía chupe wae,” jei.

San Mateo 6:12

Jare kërái ore oremandua’ä ïru wae reta pe jokua mbaembae uyawɨ orekotɨ wae re, jukuärái wi nde awɨye mii nemandúa orewe mbaembae nduyawɨ ndekotɨ wae re.

San Lucas 11:4

Awɨye mii nemandúa orewe mbaembae nduyawɨ ndekotɨ wae re, echa’ä jukuärái wi ore oremandua’ä uyawɨ orekotɨ wae reta pe. Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi.’ Jukuäraita ko pe reta piyerure,” jei Jesús chupe reta.

San Lucas 13:3

“Che tae pewe jukuärai’ä ko. Jare pe reta peya’ä yawe pepɨayemɨngeta jupi mbae wae Tumpa rewa, jae nunga wi opata pekañɨ peï jae reta rami,” jei chupe reta.

San Lucas 13:5

“Erëi che tae pewe, jukuärai’ä ko. Jare pe reta peya’ä yawe pepɨayemɨngeta jupi mbae wae Tumpa rewa, jae nunga wi opata pekañɨ peï jae reta rami,” jei chupe reta.

San Juan 9:11

Jayawe kuimbae jei chupe reta: “Jokua kuimbae Jesús jee wae uyapo tuñuu mii jendɨayɨ pɨpe, jare oñono cheresa re, jare jei chewe, ‘Ekua iyoe nderesa Siloé pe,’ jei chewe. Jayawe che a, jare opa ayoe cheresa yawe, aecha woi,” jei chupe reta.

San Juan 9:7

“Ekua ɨ jɨru tuicha wae Siloé jee wae pe iyoe nderesa,” jei chupe. Kua tee Siloé uipota jei judío reta iñee pe ‘uyemondo wae.’ Jayawe kuimbae oo ɨ jɨru pe oyoe jesa, jare oo ye jëta kotɨ uecha kawi rewe.

Hechos 28:4

Jare joko pewa reta uecha yawe mboi Pablo ipo re usawawa oï wae, jei reta iyupe: “Añetete yepe kua kuimbae upuruyuka wae ko. Yepe tëi umano’ä mar pe, erëi ndarau ikoño jupi’ä ramo,” jei reta.