San Lucas 13:33 - Biblia

³³ “Erëitu a ñotái ko jekuaeño Jerusalén kotɨ. Echa’ä opaete ñee Tumpa wi etei ou wae umɨmbeu wae reta imeta ko umano Jerusalén pe,” jei chupe reta.

Guaraní Pe (Western): Simba

³³ Añete co, icavi co jecuaeño aa Jerusalén cotɨ añave jare curiye jare cõeramo. Echa'ã Jerusalén peño judío reta uyuca Tumpa iñee umɨmbeu vae reta —jei—.

San Lucas 13:33 Iomraidhean Croise

San Mateo 20:18

“Mase, pe reta pikuaa peï añawe ya ñaï Jerusalén kotɨ. Erëi aipota pikuaa waerä wi mbae uasata oï chewe joko pe wae,” jei chupe reta. “Echa’ä joko pe ma ñawäe yawe, che kuimbaerä ayeyapo wae, pëti wae chemeeta oï sacerdote itenondewa reta pe jare Moisés uikuatía wae re oporomboe wae reta pe. Jae reta jeita cheyukaka waerä,

San Mateo 21:11

Jare jokua jeta wae reta yuweru Jesús ndiwe wae reta jei chupe reta: “Kua ko jae Jesús tëta wasu Nazaret pewa, ɨwɨ Galilea pe oï wae. Tumpa ombou umɨmbeu waerä ñee chuwi etei ou wae,” jei reta.

San Lucas 9:53

Erëi joko pewa reta uipota’ä Jesús upɨta waerä joko pe. Echa’ä uikuaa reta Jesús oo oï Jerusalén kotɨ, jare jae reta uñemɨïru kawi’ä Jerusalén pewa reta ndiwe.

San Juan 11:54

Jáeramo Jesús uwata’ä ma judío reta jowake, erëi oo joko wi pëti tëta wasu Efraín jee wae pe. Jokua tëta wasu oï ɨwɨtini wasu jembeɨ pe. Jare joko pe Jesús upɨta jemimboe reta ndiwe.

San Juan 11:9

Jayawe Jesús jei umbɨjaanga rewe: “Mbaetɨ mbae wi yakɨye waerä. Ime doce ora onoi ara. Ara rupi uwata wae ndarau ipɨsapäa, echa’ä onoi warasɨ jembipe,” jei.

San Juan 12:35

Jayawe Jesús jei chupe reta umbɨjaanga rewe: “Tembipe imeñota oï pe reta ndiwe michi pewaeño. Jáeramo pemaeño kua tembipe re umbɨembipe waerä pepɨa pe. Jukuärái ndarau pepɨranoe pewa pɨ̈tu pewe. Echa’ä pɨ̈tumimbi pe uwata wae reta jopa ñonoï jare uikuaa’ä ketɨ ra yuraa ñonoï wae,” jei chupe reta.

San Juan 4:34

Jare Jesús jei chupe reta: “Che ayapo yawe Tumpa chembou ayapo waerä wae, jokua ko jae tembiu rami chemaerä. Echa’ä ayerowiata aï opa ma ayapo yawe mbarawɨkɨ jae umee chewe wae,” jei chupe reta.

San Juan 9:4

“Kua mbae añawe ayapota aï wae, jae ko jokua chembou wae umee chewe mbarawɨkɨ ayapo waerä wae. Yande reta imeta ko yayekou kua ara re yayapo waerä kua nunga mbarawɨkɨ. Echa’ä añawe rupi ara reta yaparawɨkɨ waerä ko. Jae ko köe ma yawe rami. Erëi uwäeta ara kiawe ipuereta’ä uparawɨkɨ waerä. Jare jokua ara kaarueteta ma chupe warasɨ uike ma rami.

Hechos 13:27

“Tëta wasu Jerusalén pewa reta jare itenondewa reta wɨrowia’ä Jesús ko jae Upuruepɨ wae Tumpa wi ou wae. Jae reta uikuaata tëi ko kua rewa. Echa’ä opa mbutuu ara pe uyapɨsaka reta tëi kía umɨngeta Tumpa iñee arakae umɨmbeu wae reta uikuatía wae re. Jare joko pe uyekuatía kawi oï Upuruepɨ wae outa iko wae rewa,” jei. “Erëi jae reta uikuaa kawi’ä. Jáeramo umbɨjeko reta Jesús uyukaka reta waerä. Jare jukuärái opa uyapo reta jokua uyekuatía oï wae uikuaaka yandewe uyeyapota iko wae,” jei.