San Lucas 13:28 - Biblia

^28-29 “Jare pe reta piyaota tëi jare peräi pembɨkɨrɨrɨuta tëi. Echa’ä kía oka wi o re umae oï wae rami, pechata Tumpa opaete wae imburuwicha wasurä ma oï. Jare pechata wi jae ndiwe peramɨkue reta Abraham, Isaac, Jacob, jare opaete Tumpa iñee arakae umɨmbeu wae reta,” jei. “Jare jokua ara yuweruta wi opaete ketɨ ketɨ wi jeta judío mbae wae reta yureko waerä Tumpa ndiwe. Jare pechata opaete wae ukaru ñonoï uyerowia rewe. Erëi pe reta ndarau pepuere pike piyekou waerä jae reta ndiwe,” jei chupe reta.

Guaraní Pe (Western): Simba

²⁸ Jayave piyaota jare perãi pembɨquɨrɨrɨuta. Echa'ã peechata Abraham jare Isaac jare Jacob jare opaete Tumpa iñee aracae umɨmbeu vae reta Tumpa iporoyocuia pe ñugüɨnoi. Ẽrei pe reta oca pe pẽita —jei—.

San Lucas 13:28 Iomraidhean Croise

San Mateo 13:42

“Jare joko wi araɨwa reta omombota tata wasu pe kiape uyaota tëi reta jare jäi umbɨkɨrɨrɨuta reta ikuasɨ katuete ñonoï ramo,” jei.

San Mateo 13:50

“Jare joko wi omombota reta tata wasu pe kiape uyaota tëi reta jare jäi umbɨkɨrɨrɨuta reta ikuasɨ katuete ñonoï ramo,” jei chupe reta.

San Mateo 22:13

“Jayawe mburuwicha wasu jei uyeyokui wae reta pe: ‘Piñapɨ̈ti ipo rupi jare ipɨ rupi, jare peraa pemombo oka pe pɨ̈tumimbi oï wae pe. Joko pe uyaota tëi jare jäi umbɨkɨrɨrɨuta, echa’ä ikuasɨ katuete oï ramo,’ jei chupe reta,” jei Jesús.

San Mateo 24:51

Jare uiporarakata jokua uyeyokui wae pe, jare omondota iko waerä opaete ïru upurumbɨtawɨ wae reta ndiwe. Joko pe uyaota tëi reta jare jäi umbɨkɨrɨrɨuta reta ikuasɨ katuete ñonoï ramo.” Jukuärái Jesús umɨkɨrëɨ jemimboe reta uäro kawi waerä jae iwäe ara.

San Mateo 25:30

‘Kua uyeyokui pochɨ wae, ikawi’ä maeräwe. Pemombo oka pe pɨ̈tumimbi oï wae pe. Joko pe uyaota tëi jare jäi umbɨkɨrɨrɨuta ikuasɨ katuete oï ramo,’ jei chupe reta.” Jukuärái jei Jesús chupe reta umbɨjaanga rewe.

San Lucas 10:15

“Jare Capernaum pewa reta wɨrowia tëi Tumpa umbutuichata onoi reta. Erëi mbaetɨta jukuärái,” jei. “Jae reta uiporarata umanokue wae reta jenda pe,” jei.

San Lucas 14:15

Kua uyandu yawe, pëti wae uwapɨ iko Jesús ndiwe wae mesa pe jei chupe: “Tumpa oï ma yawe opaete wae imburuwicha wasurä jaeño mái pewa, ¡kërái eteita ndipo uyekou joko pe ukaruta oï wae reta!” jei chupe.

San Lucas 16:23

“Jare umanokue wae reta ñonoï wae pe kuimbae ikokatuse wae jesa uyepea, jare joko pe uiporaraete oï. Jare jowaɨwa umae jare uecha Abraham mbɨrɨ oï chuwi. Jare uecha wi Lázaro oï jae ndiwe,” jei.

2 Tesalonicenses 1:5

Pëti ara yayemboɨ yawe opaete wae Tumpa jowai jae jei waerä yandereko re, Tumpa jeita pewe: “Jupi ko peï waerä che ndiwe jaeño mái pewa,” jeita pewe. Jare ore nduecha yawe kërái pemɨawäta peï piporara peï wae, jokua uikuaaka orewe Tumpa jupi ko jei waerä pewe jukuärái.

2 Pedro 1:11

Jare ara uwäe ma yawe yandeRepɨ wae yandeYa Jesucristo iko waerä opaete wae imburuwicha wasurä jaeño mái pewa, jae pembɨasa kawita tuicha uyerowia rewe.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.

Apocalipsis 22:15

“Erëi ndarau uike kua tëta wasu pe jeko kachi wae reta, jare ipaye wae reta, jare iawasapota wae reta, jare upuruyuka wae reta, jare tumparaanga re umbɨadora wae reta, jare opaete uyerowia rewe upurumbɨtawɨ wae reta,” jei.