San Lucas 13:19 - Biblia

¹⁹ “Jae ko pëti mostaza jäɨkue raɨ mii kuimbae oñotɨ iko pe wae rami,” jei. “Ukuakuaa jare uyeyapo pëti ɨwɨra. Jare wɨra reta uyapo jaitɨrä jäka rupi,” jei chupe reta.

Guaraní Pe (Western): Simba

¹⁹ Yandepuere yamɨjaanga jese penti mostaza jãɨcue —jei—. Uñeñotɨ yave, ucuacuaa jare uyeyapo ɨvɨra tuicha vae. Jare güɨra reta yugüeru uyapo jaitɨrã jese —jei.

San Lucas 13:19 Iomraidhean Croise

Isaías 53:1

¿Ime ra kía yepe wɨrowia oriñee re wae? ¿Uecha’ä yerá reta Tumpa imbaepuere?

Isaías 53:10

Tumpa ipɨayemɨngeta ko uiporaraete waerä jukuärái jokua chupe uyeyokui wae mbɨatɨtɨ tuicha wae pe. Erëi jekowe umee ma yawe ɨwɨ pewa reta jeko pewa, joko wi oïta jae iñemoñaa reta ndiwe jetaete ye ara rupi. Jae rupi Tumpa ipɨayemɨngeta opata uyeyapo kawi.

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

San Mateo 17:20

Jayawe Jesús jei chupe reta: “Pepuere’ä, echa’ä perowia kawi’ä Tumpa re ramo,” jei. “Che tae pewe añetete wae, pe reta perowia yawe Tumpa re michi raɨ mii yepe, jayawe pepuereta piyapo mbaembae tuicha wae. Pepuereta pere pea ɨwɨtu wasu pe oo waerä joko wi jare upɨta waerä ikotɨ̈a pe. Jare jukuärái uyapota ko ɨwɨtu wasu. Ndarau mbae yawái pewe,” jei chupe reta.

Marcos 4:30

Jare Jesús jei wi chupe reta: “¿Kërái ra uyekuaa Tumpa imbaepuere mburuwicha wasu pewa? ¿Mbae ye re ra yambɨjaangata kërái ra jekuaeño ukuakuaa oo oï?” jei chupe reta.

San Lucas 17:6

Jayawe yandeYa jei chupe reta: “Pe reta perowia yawe Tumpa re michi raɨ mii yepe, jayawe pepuereta piyapo mbaembae tuicha wae,” jei. “Pepuereta pere pea ɨwɨra pe oo waerä joko wi jare uñeñono waerä mar pe. Jare jukuärái uyapota ko ɨwɨra,” jei chupe reta.

Hechos 2:41

Jayawe jokua ara mbapɨ miri rupi wɨrowia reta jare uyembɨsakambuka reta ɨ pe. Jare jae reta uñemɨïru ïru wae reta Cristo re wɨrowia wae ndiwe.

Hechos 21:20

Jare Pablo jei wae uyandu reta yawe, opaete jae reta umbɨpɨ umbutuicha reta Tumpa jee. Jayawe jae reta jei Pablo pe kuärái: “Hermano, ndikuaa ma kërái jetaete judío reta wɨrowia ma ko Jesús re, jare opaete jae reta ikɨrëɨete yureko waerä Moisés arakae uikuatía wae rupi,” jei reta.

Hechos 4:4

Erëitu jokua uyembatɨ wae reta ipɨte wi, jeta wɨrowia reta Pedro jare Juan oporomboe wae re. Jáeramo añawe Cristo re wɨrowia wae reta kuimbae retaño uyepapa pandepo miri rupi.

Romanos 15:19

Jare jokuaerä wi ko Espíritu Santo umee chewe mbaepuere ayapo waerä mbaembae kiawe ipuere’ä uyapo wae. Jayawe jukuärái opa ma amɨmbeu araa araa chupe reta ñee ikawi wae Cristo rewa opaete kerupi Jerusalén wiwe ɨwɨ Ilírico pe rewa.

Apocalipsis 11:15

Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.