San Lucas 13:15 - Biblia

¹⁵ Jayawe yandeYa jei chupe: “Pe reta piyemɨngetaiño ko, echa’ä pe retawe piyapo’ä pe pere wae rupi. Echa’ä jekuaeño pe reta piyora peweye jare pemburika peraa waerä pemee jou ɨ mbutuu ara pe.

Guaraní Pe (Western): Simba

¹⁵ Ẽrei yandeYa jei chupe: —Pe reta co jae upurumbɨtavɨ vae reta. Pe reta piyora pegüeye jare pemburica jenda güi mbutuu ara pe peraa vaerã pembɨu —jei—.

San Lucas 13:15 Iomraidhean Croise

San Mateo 15:14

“Jáeramo awɨye piyembɨpɨa’ä jae reta jei wae re. Jae reta uyererowia tëi uruwata ñonoï ïru wae reta Tumpa kotɨ. Erëi añetete jae reta jesa mbae wae uipoko uruwata ïru jesa mbae wae rami ko. Jare jukuärái yawe, mokui rewe uasawita ɨwɨkua pe,” jei chupe reta.

San Mateo 15:7

“Pe reta añetete wae nunga piyeyokui Tumpa pe. Isaías uikuatía arakaete peré wae jupi ko. Echa’ä jei kuärái:

San Mateo 23:13

Joko wi Jesús jei: “Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä peporomboe kachi wae rupi piyopia peï ïru wae reta wi awɨye waerä ñonoï Tumpa ndiwe jae oï ma yawe opaete wae imburuwicha wasurä. Pe reta mbaetɨ penoi Tumpa pemburuwicha wasurä, jare jukuärái piyopia peï wi chuwi reta awɨye waerä jae reta wi onoi Tumpa,” jei chupe reta.

San Mateo 23:28

“Jae ramiño wi oka rupi piyekuaa jupi wae echa, erëi pepɨa tɨnee oï tawɨ jare mbae ikawi mbae wae pɨpe.

San Mateo 7:5

Jukuärái ndiyapo yawe, jayawe ndiyemɨngetaiño ko neï,” jei. “Che tae ndewe, tenonde eki rani ɨwɨra puku wae nderesa wi. Jare jayawe ramo nemae kawita ndepuere waerä ndeki ɨtɨ michi wae neïru jesa wi,” jei Jesús chupe reta umbɨjaanga rewe.

San Lucas 12:1

Jayawe jetaete ye uyembatɨ Jesús oï wae pe, jare uñemɨaña ye reta. Erëi Jesús omboe tenonde jemimboe reta rani. Jayawe jei chupe reta umbɨjaanga rewe: “Piyandareko kawi piyé kuri fariseo reta ilevadura wi – jae ko kërái jae reta uyeyokui Tumpa pe añetete wae nunga,” jei chupe reta.

San Lucas 14:5

Joko wi Jesús jei joko pe ñonoï wae reta pe: “Pemburika ani peweye oa yawe ɨwɨkua pe mbutuu ara pe, ¿peota’ä yerá penoe jupiwoi, yepe tëi jokua ara ko jae mbutuu ara?” jei chupe reta.

San Lucas 6:42

“Nde ndere: ‘Tëtara, taeki nderesa wi jokua ɨtɨ michi wae,’ ndere. Erëi ¿këraita pa ndepuere ndiyemɨngeta jukuärái nde ime yawe nenoi ɨwɨra puku wae nderesa pe? Jukuärái ndiyapo yawe, jayawe ndiyemɨngetaiño ko neï,” jei. “Che tae ndewe, tenonde eki rani ɨwɨra puku wae nderesa wi. Jare jayawe ramo nemae kawita ndepuere waerä ndeki ɨtɨ michi wae neïru jesa wi,” jei Jesús chupe reta umbɨjaanga rewe.

San Lucas 7:13

Jare yandeYa uecha yawe jokua kuña, uiparareko umae jese jare jei chupe: “Awɨye iyao,” jei.

San Lucas 7:19

Jayawe Juan ueni mokui jemimboe reta jare jei chupe reta: “Pekua yandeYa oï wae pe pepɨrandu chupe jae ra ko Upuruepɨ wae outa iko wae, ani jekuaeño ñaärota ïru wae,” jei chupe reta.