San Lucas 13:13 - Biblia

¹³ Jayawe Jesús oñono ipo jese. Jare jupiwoiño jokua kuña ipuere uyemɨsɨmi, jare jae umbɨpɨ umbutuicha Tumpa jee.

Guaraní Pe (Western): Simba

¹³ Jayave Jesús oñono ipo cuña iñãca re. Jare jupivoi cuña ipuere uyemboɨ cavi jare umbɨpɨ umbɨadora Tumpa.

San Lucas 13:13 Iomraidhean Croise

San Mateo 9:8

Jare joko pe ñonoï wae reta uecha yawe jokua mbaepuere tuicha wae Tumpa umee Jesús pe wae, umbutuicha reta Tumpa jee uipɨu rewe.

Marcos 16:18

Jare yepe tëi aramoi uipɨsɨta reta mboi, jare yepe tëi aramoi jouta reta mbayachi, erëi ndarau mbae awe uyeyapo chupe reta. Jare oñonota reta ipo imbaerasɨ wae reta re umɨnguera waerä.” Jukuärái Jesús jei jemimboe reta pe.

Marcos 5:23

Jare ikuasɨ katu rewe jei Jesús pe: “Cherayɨ mii umanota ma oï orewi,” jei chupe. “Ya mii iñono ndepo jese ukuera waerä, awɨye waerä umano orewi,” jei chupe.

Marcos 6:5

Jayawe wɨrowia’ä reta Jesús re jeko pewa, Jesús ipuere’ä uyapo joko pe jeta mbaembae Tumpa imbaepuere pe. Jaeño oñono ipo imbaerasɨ wae reta re mbowɨño umɨnguera waerä.

Marcos 8:25

Jayawe Jesús oñono ye ipo jesa re. Jayawe kuimbae täta umae, jare jayawe ramo uecha kawi opaete mbaembae, echa’ä ukuera ramo.

San Lucas 13:12

Jayawe Jesús uecha yawe, ueni ikotɨ jare jei chupe: “Cherindɨ mii, añawe ndekuera ma nembaerasɨ wi,” jei chupe.

San Lucas 18:43

Jare jupiwoi kuimbae ipuere umae kawi, jare oo Jesús jupie Tumpa jee umbutuicha rewe. Jare opaete joko pe ñonoï wae reta kua uecha yawe, umbutuicha reta wi Tumpa jee.

San Lucas 4:40

Jare warasɨ uike ma oo oï yawe, jokua tëta wasu pewa reta ueru opa yea imbaerasɨ wae reta Jesús oï wae pe Jesús umɨnguera reta waerä. Jayawe Jesús oñono ipo pëti pëti re, jare opa ukuera reta.

Hechos 9:17

Jayawe Ananías oë oo owäiti waerä Saulo. Jare oo ma uwäe chupe yawe, oñono ipo Saulo jesa re jare jei chupe: “Cherɨwɨ Saulo, yandeYa Jesús etei uyekuaa ndewe ndeyu ndiko tape rupi rambuewe,” jei. “Jae ko chembou ndepɨ nemae ye waerä jare Espíritu Santo umee waerä ndewe mbaepuere,” jei chupe.