San Lucas 12:8 - Biblia

⁸ “Jae nunga wi che tae pewe kuärái: Ime yawe kía uyembeu kawi che rewa ïru wae reta jowake, che kuimbaerä ayeyapo wae jae nunga wi amɨmbeu kawita jesewa opaete araɨwa Tumpa pe uyeyokui wae reta jowake,” jei.

Guaraní Pe (Western): Simba

⁸ Jae ramiño vi che jae peve cua: Ime yave quía ĩru vae reta jovaque jei yave: ‘Che co jae Jesús jemimboe’, che cuimbaerã ayeyapo vae jaeta ángel Tumpa pe uyeyocui vae reta jovaque: ‘Cua co jae cheremimboe’ —jaeta, jei Jesús—.

San Lucas 12:8 Iomraidhean Croise

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

San Lucas 15:10

“Che tae pewe, jukuäraiete wi ko imeta yerowia tuichaete wae Tumpa iaraɨwa reta ndiwe pëti jeko kachi wae ueya yawe ipɨayemɨngeta jupi mbae wae,” jei chupe reta.

2 Timoteo 2:12

Jare ñamɨawäta yawe yaiporara wae yayeyokui chupe ramo, jae yandapota ñaï waerä mburuwicharä jae ndiwe jaeño mái pewa. Erëi kía uikuaku yawe, jae uikuakuta wi.

1 Juan 2:23

Echa’ä ime yawe kía wɨrɨ̈ro Tumpa Taɨ wae, jae mbaetɨ etei ko onoi yandeRu Tumpa. Erëi ime yawe kía jei, “Jesús ko jae Tumpa Taɨ” wae, yandeRu Tumpa etei ko onoi wi.

Apocalipsis 2:10

‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.