San Lucas 12:5 - Biblia

⁵ “Erëi che taikuaaka pewe kía wi ko ikawi pekɨye waerä. Ikawi ko pekɨye waerä Tumpa wi. Echa’ä jae ipuere wi perete uyuka pewi. Jare joko wi ime onoi mbaepuere pemondo waerä Tatawasurenda pe. Jáeramo che tae pewe, chuwi ko ikawi pekɨye waerä,” jei Jesús chupe reta.

Guaraní Pe (Western): Simba

⁵ Ẽrei tamɨmbeu peve quía güi pequɨye vaerã. Icavi co pequɨye vaerã Tumpa güi. Echa'ã jae güɨnoi mbaepuere upuruyuca vaerã jare oporomondo vaerã cañɨtei pe. Añete che jae peve, pequɨye chugüi —jei—.

San Lucas 12:5 Iomraidhean Croise

San Mateo 10:28

“Awɨye pekɨye jokua uipota peyuka wae reta wi. Echa’ä pereteño ko jae reta ipuere uyuka pewi. Ndarau ipuere uyuka reta peä,” jei. “Erëi che tae pewe ikawi ko pekɨye waerä Tumpa wi. Echa’ä jaeño ipuere omombo perete jare peä wi Tatawasurenda pe,” jei chupe reta.

San Mateo 25:41

“Joko wi che jaeta cheaso kotɨ ñonoï wae reta pe: ‘Pesɨrɨ chewi tata owe mbae wae pe. Jokua tata uyeyapɨkatu ma oï Añawasu jare araɨwakue chupe uyeyokui wae reta pewarä. Joko pe pikuaata peï Tumpa iarasɨ.

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

San Mateo 5:22

“Erëi che tae pewe wi, ime yawe kía aramoi waeño pochɨ oï japicha pe wae, jae teko pe ma oï wi jare jokua re uiporarata oï,” jei. “Jae ramiño wi ime yawe kía japicha pe jei, ‘Usiriwe mbae’ wae, jupi ko jae onoi waerä tëi teko mburuwicha reta jowai. Jare che tae pewe wi, ime yawe kía japicha pe jei, ‘Nesöso’ wae, jae jupi ko uiporara waerä Tatawasurenda pe,” jei chupe reta.

Marcos 13:23

“Jayawe piyandareko kawi piyé kuri. Aikuaaka aï pewe opaete uyeyapota oï wae ndei uyeyapo mbowe pe reta pikuaa peï waerä,” jei Jesús jemimboe reta pe.

1 Tesalonicenses 4:6

Kua nunga mbaembae rupi awɨye piyapo ikawi mbae wae perapicha kotɨ jare awɨye pembɨtawɨ wi. Echa’ä yandeYa uiporarakata oï kua nunga mbaembae uyapo wae pe kërái ore numɨmbeu pewe wae rami.

Hebreos 10:31

Jae ko kɨye tuichaete ye wae Tumpa ikoño mái wae uiporaraka yandewe yawe.

2 Pedro 2:4

Yaikuaa Tumpa uiporarakata oï chupe reta, echa’ä araɨwa retawe ipuere’ä oyepe Tumpa iarasɨ wi arakaete uyawɨ reta Tumpa kotɨ yawe. Echa’ä Tumpa ara wi omombo reta pɨ̈tumimbiete oï wae pe, jare joko pe uñeñapɨ̈ti ñonoï reta ara taɨkuewa uwäe rewa. Jare jokua ara uwäe yawe, uyemboɨta reta Tumpa jowai Tumpa uiporaraka waerä chupe reta jaeño mái pewa.

Apocalipsis 14:7

Jei chupe reta usapɨkai rewe: “Pipɨu Tumpa wi jare pembutuicha jee. Echa’ä ou ma uwäe ora opaete wae reta uyemboɨ waerä Tumpa jowai. Pembutuicha Tumpa jee, echa’ä jae uyapo ara, jare ɨwɨ, jare mar, jare ɨwororo reta,” jei.

Apocalipsis 15:4

Opaete wae uipɨueteta ndewi, oreYa, jare umbutuichata ñonoï nderee. Echa’ä ndeeño ko jae jupi wae. Opaete ɨwɨ pewa reta yuweruta umbutuicha waerä nderee. Echa’ä uyekuaa ma mbaembae ndiyapo wae jupi ko.” Jukuärái ukäta reta.

Apocalipsis 20:14

Jare opaete kía kía jee uyekuatia’ä oï jokua tupapire pe wae reta Tumpa opa omomboka reta Tatawasurenda pe. Kua ko jae mano mokuía jei chupe reta wae. Jare joko wiwe ndarau ye ma ime mano jare umanokue wae reta jenda, echa’ä jokua mbaembae opa ma ukañɨ tata wasu pe.