San Lucas 12:45 - Biblia

⁴⁵ “Erëi aramoi jokua uyeyokui wae jeita iyupe: ‘Karái ndarau ou ye ɨmambae,’ jeita. Jayawe umbɨpɨta uinupa ïru uyeyokui wae reta – kuimbae reta jare kuñatái reta – jare umbɨpɨta ukaru, jare ukau, jare usawɨpo,” jei.

Guaraní Pe (Western): Simba

⁴⁵ Ẽrei aramoi uyeyocui vae jei iyupe ipɨa pe: ‘Chepatrón ndarau ou ye ɨmambae.’ Jare umbɨpɨ uinupa ĩru uyeyocui vae reta - cuimbae reta jare cuñatai reta - jare ucaru jare ucau jare usavɨpo —jei—.

San Lucas 12:45 Iomraidhean Croise

San Mateo 22:6

Jare ïru wae reta uipɨsɨ mburuwicha wasu ombou wae reta, jare uyapo chupe reta ikawi mbae wae, jare joko wi uyuka reta,” jei.

San Lucas 12:44

“Che tae pewe añetete wae, jokua nunga uyeyokui wae pe karái umeeta uyandareko waerä opaete imbaembae re,” jei chupe reta.

San Lucas 12:46

“Jayawe pëti ara jokua karái ou yeta uwäe ipɨranoe pewa jëta pe. Jare uiporarakata jokua uyeyokui wae pe, jare joko wiwe ndarau ye wɨrowia katu jese,” jei chupe reta.

San Lucas 21:34

“Jáeramo piyandareko kawi piyé awɨye waerä jokua ara piyepokouka pëti wɨra ipɨranoe pewa oa ñuai pe wae rami,” jei. “Echa’ä jukuäraita uyeyapo oï ɨwɨ pewa reta pe. Jáeramo awɨye pekau jare awɨye perorɨkatuño piko. Jare awɨye wi piyembɨpɨa’ä mbaembae ɨwɨ pewa re,” jei.

San Juan 2:10

“Opaete wae reta uyepokuaa tenonde upurumɨngaru vino ikawiete wae pe. Jare joko wi, jeta ma ukau reta yawe ramo umee chupe reta vino ikawi nunga’ä wae, echa’ä uikuaa’ä reta kërái ko ambɨe ye oï wae. Erëi nde añawe ramo nenoe vino ikawiete wae,” jei chupe.

Hechos 2:18

Jukuärái jokua ara reta rupi cheEspíritu ameeta kuimbae jare kuña uyeyokui chewe wae reta pe. Jayawe umɨmbeuta reta chiñee ïru wae reta pe.

Romanos 16:18

Jokua nunga oporomboe wae reta mbaetɨ uyeyokui ñonoï yandeYa Jesucristo pe. Jaeño ko uparawɨkɨ ñonoï jae reta jei wae rupiño. Jae reta iñee kawi rupi umbɨtawɨ onoi ikoi mii wae reta.

2 Corintios 11:20

Echa’ä ime yawe kía uipota täta rupi peokui wae, ani ime yawe kía uipota uyekou peré wae ani uyuwanga katu peré wae, pe reta pemaeño ko jese. Jae ramiño wi ime yawe kía uipota uyererowia katu pewi wae jare perowapete wae, pe reta pemaeño ko jese.

2 Pedro 2:13

Echa’ä Tumpa tuicha uiporarakata oï chupe reta jae reta mbae ikawi mbae wae uyapo reta ramo. Echa’ä jae reta ikatu pe etei uyapo mbaembae kachi wae. Ikaruete reta jare ikause reta. Jae nunga wi jae reta uyembatɨ jare ukaru pe reta ndiwe peïru reta rami. Erëi jae reta pembɨtawɨ ñonoï. Jokua pëti ñemɨmaraka ko pemaerä.

2 Pedro 2:19

Jae reta jei tëi wi: “Tumpa yandeyora ma ko. Jáeramo yandepuere yaiko yande yae wae rupiño,” jei reta tëi. Erëi añetete jae reta mbae kachi wae pe täta rupi uyeyokui wae reta ko, echa’ä teko kachi imbaepuere pe ñonoï reta. Jare mbae uyemɨmbaepuere yanderé yawe, ñanerenoi ipo íɨwɨ pe.

Apocalipsis 16:6

Echa’ä jae reta upɨyere ma jeta tuwɨ – jae ko nderé wɨrowia wae reta juwɨ jare niñee umɨmbeu wae reta juwɨ. Jáeramo nde ndeuka neï chupe reta tuwɨ wi. Echa’ä jupi ko uyeyapo oï jukuärái chupe reta.” Jukuärái araɨwa jei Tumpa pe.

Apocalipsis 18:24

Oata oï teko tuicha wae Babilonia pewa reta re. Echa’ä jae reta upɨyere Cristo re wɨrowia wae reta jare Tumpa iñee umɨmbeu wae reta juwɨ. Opaete ɨwɨ rupi jae reta upuruyuka.” Jukuärái jei araɨwa.