San Lucas 12:4 - Biblia

⁴ “Jare che tae pewe cheïru reta, awɨye pekɨye perete ipuereta uyuka pewi wae reta wi. Echa’ä peyuka ma yawe, ndarau ye ma ipuere mbae uyapo pewe reta,” jei.

Guaraní Pe (Western): Simba

⁴ Jare che jae peve, cherɨvɨ reta, agüɨye pequɨye upuruyuca vae reta güi. Echa'ã upuruyuca yave, mbaetɨ ye mbae icavi mbae vae ipuere uyapo peve —jei—.

San Lucas 12:4 Iomraidhean Croise

Isaías 41:8

Tumpa jei kuärái: “Pe Israel retarä piko wae, pe reta ko jae cheïru Abraham iñemoñaa reta. Che puparawo piyeyokui waerä chewe,” jei Tumpa.

San Mateo 10:28

“Awɨye pekɨye jokua uipota peyuka wae reta wi. Echa’ä pereteño ko jae reta ipuere uyuka pewi. Ndarau ipuere uyuka reta peä,” jei. “Erëi che tae pewe ikawi ko pekɨye waerä Tumpa wi. Echa’ä jaeño ipuere omombo perete jare peä wi Tatawasurenda pe,” jei chupe reta.

San Juan 15:13

Jare kía umee jekowe ïru re yawe, uechaka ma chupe uauete wae. Mbaetɨ ye ma kërái uechaka waerä tuicha rupi uau wae,” jei chupe reta.

Hechos 20:24

“Erëi jesewe akɨye’ä,” jei. “Chepɨa pe ayemɨngeta’ä etei ayerepɨ waerä. Jaeño aipota opa ayapo waerä ayerowia rewe jokua mbarawɨkɨ yandeYa Jesús umee chewe wae. Jare cheparawɨkɨ ko jae jekuaeño amɨmbeu waerä ïru wae reta pe ñee ikawi wae kërái ko Tumpa ipɨakawiete ye oï yandewe wae re,” jei chupe reta.

Hechos 4:13

Jayawe mburuwicha reta uecha Pedro jare Juan kërái yepe tëi mokui rewe jeta’ä uyemboe yemboerenda rupi, erëi uyemɨngeta reta ukɨye mbae rewe. Jáeramo mburuwicha reta ipɨakañɨ umae jese reta, jare imandúa reta kërái yurekose reta Jesús ndiwe wae.

Filipenses 1:28

Jare awɨye pekɨye jokua oyowaicho oï pe ndiwe wae reta wi. Echa’ä pekɨye’ä chuwi reta yawe, pikuaakata chupe reta Tumpa umeeta oï pewe tekowe opa mbae wae, erëi chupe reta Tumpa uiporarakata oï jaeño mái pewa. Añetete Tumpa ko uparawɨkɨ oï kua mbaembae rupi.

Santiago 2:23

Jare jokua Abraham uyapo wae rupi yaikuaa wi kërái añetete yepe Tumpa iñeerɨru pe uyekuatía oï wae. Echa’ä joko pe jei kuärái: “Abraham wɨrowia Tumpa jei wae re; jáeramo Tumpa umae jese jeko mbae wae rami.” Jukuärái jei. Jare jokua jeko pewa wi Tumpa jei chupe: “Cheïru.”

1 Pedro 3:14

Erëitu aramoi piporarata peï ikawi wae piyapo wae re. Erëi jukuärái yawe, piyekouta peï. Echa’ä Tumpa umɨñatimata oï pewe kuri jokua re. Jayawe ime yawe kía uipota uiporaraka pewe wae, awɨye pekɨye chuwi jare awɨye wi piyembɨpɨa’ä jese.

Apocalipsis 2:10

‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.