San Lucas 12:39 - Biblia

³⁹ “Che aipota pikuaa kawi waerä kua: Pëti tëta iya uikuaa yawe mbae nunga ora etei ra outa imonda wae oñomi waerä chuwi imbaembae, jae ndarau etei oke jare ndarau wi umaeño imonda wae re uike waerä jëta pe,” jei.

Guaraní Pe (Western): Simba

³⁹ Aipota picuaa vaerã cua: Penti tenta iya uicuaa yave mbae ora pe outa uvãe imonda vae oñomi vaerã imbaembae, uñemɨcuatɨ̃rota tẽi jare ndarau tẽi umaeño imonda vae re güɨraa vaerã imbaembae chugüi —jei—.

San Lucas 12:39 Iomraidhean Croise

San Mateo 24:42

“Jáeramo pe reta jekuaeñota ko peäro, echa’ä pikuaa’ä peï mbae nunga ara etei ra che peYarä aï wae ayu yeta wae,” jei chupe reta.

San Mateo 6:19

“Jayawe pe reta awɨye piko mbaembae kua ɨwɨ pewa pembatɨ waeräño,” jei. “Echa’ä kua ɨwɨ pe pembaembae ipuere opa iyukɨrɨ jare kupii reta ipuere opa urükumewa pewi. Jare ipuere wi uike wɨari imonda wae reta opa oñomi pewi pembaembae,” jei.

2 Pedro 3:10

Erëi ou uwäe yawe jokua ara yandeYa pewa, outa oï pëti imonda wae pɨ̈tu yawe ou wae rami. Jayawe ara añawe yaecha ñaï wae opata ukañɨ täta jɨapu rewe. Jare opaete mbaembae ara re ñonoï wae reta opata uyembái jendɨ rewe. Ɨwɨ jare opaete mbaembae ɨwɨ pe ñonoï wae reta opata okai.

Apocalipsis 3:3

Jekuaeño pemandúa opaete piyemboe Tumpa re wae. Piñemɨmɨräta jese, jare peya pepɨayemɨngeta jupi mbae wae. Echa’ä piyandareko’ä yawe, ayuta aiporaraka waerä pewe. Jare che ayuta aï aramoiño pëti imonda wae ou rami. Echa’ä pepɨranoe pewa ayekuaata pewe.