San Lucas 12:37 - Biblia

³⁷ “Jare jokua karái uecha yawe uyeyokui wae reta uäro ñonoï oke mbae rewe, jayawe uyerowiaeteta umae jese reta. Che tae pewe añetete wae, jokua karái umbɨwapɨta uyeyokui wae reta mesa pe jare umɨngaruta reta jae etei,” jei.

Guaraní Pe (Western): Simba

³⁷ Uyeyocui vae reta jecuaeño uãro ñugüɨnoi yave ipatrón ou ye uvãe yave, uyeroviata reta. Añete che jae peve, ipatrón uyembɨcuata toalla pe, jare jeita jembiocui reta pe uguapɨ vaerã mesa pe, jare ipatrón etei umɨngaruta jembiocui reta —jei Jesús—.

San Lucas 12:37 Iomraidhean Croise

San Mateo 24:42

“Jáeramo pe reta jekuaeñota ko peäro, echa’ä pikuaa’ä peï mbae nunga ara etei ra che peYarä aï wae ayu yeta wae,” jei chupe reta.

San Lucas 12:36

“Piko uyeyokui wae reta karái iwäe ara uäro ñonoï wae rami. Yambɨjaanga. Pëti karái oo menda pe yawe, ¿mbae ra uyapota uyeyokui ikawi wae reta? Jae reta uäro kawita karái jëta pe imechero jendɨ rewe karái ou ye rewa,” jei. “Jukuärái karái ou ye uwäe yawe jare öke pe ueni yawe, jae reta uipea woita chupe öke jare jae ma ñonoï reta uyeyokui waerä karái pe,” jei.

San Lucas 12:43

“Jukuärái yawe, jokua karái ipuere oo uwata ikotɨ̈a rupi ipɨawiwe rewe. Jare jae ou ye uwäe yawe jëta pe, jare uecha yawe jokua uyeyokui wae uyapo kawi oï iparawɨkɨ, jayawe karái uyerowiaeteta umae jese. Jare jae nunga wi jokua uyeyokui wae uyerowiata upɨta,” jei.

San Lucas 17:8

“Jaeño jeita chupe: ‘Ekua iyapo mbae jau waerä. Jare iyandareko cheré akaru aï rambuewe. Joko wi ramo nde ndekaruta kuri,’ jeita chupe.

San Lucas 21:36

“Jare jekuaeño piyandareko piyé. Jare piyerure Tumpa pe pepuere waerä peoyepe opaete kua mbaembae uyeyapota oï wae wi. Jare piyerure chupe wi pepuere waerä piyemboɨ jokua ara pemara mbae rewe cherowai, che kuimbaerä ayeyapo wae.” Jukuärái Jesús jei jemimboe reta pe.

San Lucas 22:27

“¿Mbae pa pere? ¿Kía pa ikawiete ɨwɨ pewa reta pe: jokua mesa pe uwapɨ ukaru oï wae ra, ani jokua tembiu ueru oï wae ra? ¿Jae’ä yerá jokua mesa pe uwapɨ ukaru oï wae? Erëi che aiko pepɨte pe ayeyokui waerä pewe pëti uyeyokui wae rami,” jei chupe reta Jesús.

San Juan 12:26

“Jayawe ime yawe kía uipota uyeyokui chewe wae, tuwata che ndiwe oï waerä che aï wae pe. Jare jukuärái uyapo yawe, cheRu umbutuichakata oï,” jei Jesús.

1 Corintios 2:9

Erëi ¿këraita ra ipuere uikuaa reta? Echa’ä Tumpa iñeerɨru pe jei yandewe kuärái: “Tumpa uyapɨkatu ma mbaembae ikawiete ye ye wae kía kía uau Tumpa wae reta pewarä. Erëi mbaetɨi kiawe uecha jare uyandu jokua mbaembae rewa wae. Jare mbaetɨi wi kiawe ipɨa pe yepe uyemɨngeta jese wae, echa’ä ikawiete ye ye wae ko.” Jukuärái uyekuatía oï.

Filipenses 1:21

Añetete che jekuaeño aiko rambuewe tekowe pe, aikota Cristo pewarä. Jare amano yawe, ikawieteta chewe, echa’ä aïta Cristo ndiwe ramo.

2 Pedro 1:11

Jare ara uwäe ma yawe yandeRepɨ wae yandeYa Jesucristo iko waerä opaete wae imburuwicha wasurä jaeño mái pewa, jae pembɨasa kawita tuicha uyerowia rewe.

2 Pedro 3:14

Jáeramo cheïru puau mii wae reta, kua mbaembae peäro peï rambuewe, piko teko kawi rupi pepuere wae rupi awɨye waerä Tumpa pepokou teko pe jare pereko kachi rewe. Tuwäe pewe pepɨakatu rewe jae ndiwe.

Apocalipsis 14:13

Jayawe ayandu ara wi ñee jei chewe: “Ikuatía kuärái: Kua wiwe yandeYa re wɨrowia rewe umanota wae reta uyekoueteta ñonoï,” jei chewe. Jare joko wi Espíritu Santo jei: “Añetete ko. Jae reta uyekoueteta ñonoï, echa’ä uputuuta reta iparawɨkɨ wi. Jare Tumpa umɨñatimata oï chupe reta mbarawɨkɨ uyapo reta Tumpa pewarä wae re,” jei.

Apocalipsis 3:21

‘Che opa ma apurumɨamɨri, jare joko wi awapɨ cheRu ndiwe iwapɨa mburuwicha wasu pewa re. Jare jukuärái wi ikawi mbae wae umɨamɨri wae reta pe che ameeta uwapɨ waerä che ndiwe chewapɨa pe.

Apocalipsis 7:17

Echa’ä Owecha kuimbae taurusu wae wapɨa mburuwicha wasu pewa pe oï wae uyandarekota oï jese reta. Jare jae wɨraata oï reta ɨkua ɨwororo jekuaeño oë wae pe, joko pe jou reta waerä ɨ tekowe umee wae. Jare Tumpa etei oyoeta jesaɨ chuwi reta.” Jukuärái jokua mburuwicha jei chewe.