San Lucas 12:33 - Biblia

³³ “Jayawe pewaka pembaembae korepotirä, pɨpe pemborɨ waerä iparawete wae reta. Jare jukuärái piyapo yawe, penoita ara pe mbaembae ikawi wae opa mbae wae, kiape imonda wae reta uike mbae wae pe jare kiape kupii ipuere’ä mbae urükumewa wae pe,” jei.

Guaraní Pe (Western): Simba

³³ Pemee corepoti re pembaembae, jare pemee corepoti uata chupe vae reta pe. Cuarãi piyapo yave, penoita mbaembae ara pegua. Jae co peurupucu ara pe penoita vae rami. Jocua nunga urupucu ndarau etei indechi jare jocua mbaembae icavi vae peurupucu ara pegua pe penoi vae ndarau ucañɨ. Echa'ã imonda vae ndarau oya jese jare cupii ndarau urucumegua —jei—.

San Lucas 12:33 Iomraidhean Croise

San Mateo 19:21

Jayawe Jesús jei chupe: “Ndipota ndiyapo yawe jupi wae, ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

San Lucas 11:41

“Pe reta pipota’ä pekɨa peï Tumpa kotɨ yawe, jayawe pemborɨta ko iparawete wae reta ime penoi wae pɨpe,” jei chupe.

San Lucas 12:21

Jayawe Jesús jei wi chupe reta: “Jukuärái etei ko uasata oï ipotawe kía umbatɨ mbaembae imaeräño wae pe, jare ikokatu’ä oï yawe Tumpa kotɨ,” jei chupe reta.

San Lucas 16:9

“Jayawe che pumbɨarakuaa kuärái: Piporuta ko pekorepoti jare pembaembae kua ɨwɨ pe penoi wae pemborɨ waerä ïru wae reta. Echa’ä jukuärái piyapo yawe, jare kua ɨwɨ pewa opa uasa yawe, jae reta jeita pewe pëti pëti rupi pewäe yawe ara pe: ‘¡Jaekawi ndeyu! Kua pe oï nerëta ikumewa mbae wae,’ jeita pewe,” jei.

San Lucas 18:22

Jare Jesús kua uyandu yawe, jei chupe: “Imeño mbae uata oï ndewe ndiyapo waerä,” jei chupe. “Ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

San Juan 12:6

Jukuärái jei tëi Judas, erëi añetete mbae’ä chupe iparawete wae reta. Jokua jei, echa’ä jae ko imonda wae ramo. Echa’ä jae uyandareko iko Jesús jare jemimboe reta ikorepoti re, jare joko wi yepe oñomi wɨari iyupe korepoti jae imaerä.

Hechos 2:45

Owaka reta imbaembae, jare umee jepɨkue ipotawe mbaembae uata oï chupe wae reta pe.

2 Corintios 8:2

Echa’ä yepe tëi uasa ñonoï yembɨawái rupi jare uiporaraete ñonoï, erëitu jae reta jekuaeño uyerowiaete ñonoï yandeYa kotɨ. Jare yepe tëi iparawete reta, erëi jokua mbowɨño onoi wae wi etei jae reta jeta umee yuapɨ ye ñonoï omborɨ waerä ïru hermano Cristo re wɨrowia wae reta.