San Lucas 12:31 - Biblia

³¹ “Piñono tenonde Tumpa pemburuwicha wasurä opaete mbaembae rupi. Jare jukuärái piyapo yawe, jae umeeta pewe wi jokua mbaembae uata oï pewe wae,” jei Jesús chupe reta.

Guaraní Pe (Western): Simba

³¹ Ẽrei icavi co pipota ete vaerã Tumpa iporoyocuia, jare Tumpa umeeta peve opaete cua mbaembae —jei—.

San Lucas 12:31 Iomraidhean Croise

San Mateo 6:33

“Opaetei mbae wi piñono tenonde Tumpa pemburuwicha wasurä opaete mbaembae rupi. Jare pekɨrëɨ piyapo jupi rupi jae jowai. Jare jukuärái piyapo yawe, jae umeeta pewe wi jokua mbaembae uata oï pewe wae,” jei chupe reta.

San Lucas 10:42

Erëi ime pëtiño mbae ikawiete wae, jare jokua ko María uiparawo iyupe. Jokua ndarau kiawe upɨ̈ro chuwi,” jei Jesús Marta pe.

San Lucas 12:30

“Echa’ä jokua nunga mbaembae reta re ko uyembɨpɨa’ä Tumpa re wɨrowia mbae wae reta. Erëi pe reta, awɨye piyapo jukuärái, echa’ä peRu ara pe oï wae uikuaaño mái jokua mbaembae piporuta wae,” jei.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

Romanos 8:31

Jayawe opaete kua mbaembae rupi yaikuaa ko Tumpa oï yandepepɨka pe yanemborɨ waerä. ¿Kía ra ipuereta ñanemɨamɨri jayawe? ¡Ndarau ipuere kiawe!

1 Timoteo 4:8

Echa’ä yanderete ñamɨmɨräta yayemungúe rupi yawe, michi pewaño ikawi yandewe. Erëi ñañemɨmɨräta kawi yawe Tumpa re, jokua ko ikawiete yandewe. Añetete, ikawi oï yandewe añawe tekowe pe ñaï rambuewe, jare ikawita wi yandewe kuri Tumpa ndiwe ma ñaï yawe.

Hebreos 13:5

Awɨye pipotaete korepoti pemaeräño. Toï pepɨa jenda pe ime ma penoi wae re. Awɨye wi piyembɨpɨa’ä jeta mbaembae penoi waerä, echa’ä Tumpa etei jei ma yandewe kuärái: “Che ndarau etei ndueya. Jekuaeño ayandarekota aï nderé.” Jukuärái Tumpa jei.