San Lucas 12:20 - Biblia

²⁰ “Erëi Tumpa jei jokua kuimbae pe: ‘¡Ndearakuaa mbae echa ko nde! Echa’ä kua pɨ̈tu etei aekita aï ndewi nderekowe. Jayawe ndeupi tëi ma ko jeta mbaembae ndeyupe,’ jei chupe.”

Guaraní Pe (Western): Simba

²⁰ Ẽrei Tumpa jei jocua cuimbae pe: ‘Nde co jae iyaracuaa mbae vae. Echa'ã cua pɨ̃tu aequita nderecove ndegüi. Jare jayave ¿quía ra güɨnoita opaete jocua mbaembae niñuvatu ndiyupeguarã vae?’ —jei, jei.

San Lucas 12:20 Iomraidhean Croise

San Lucas 11:40

“Pe reta pearakuaa mbae echa ko Tumpa kotɨ. Añetete ko, Tumpa uyapo yanderete yandepuere yaecha wae. Erëi jae uyapo wi yanderekowe mii japɨpe rupi oï wae. ¿Këraita pa perowia Tumpa uecha’ä oï mbaembae pepɨa pe oï wae?” jei.

1 Tesalonicenses 5:3

Jokua ara ɨwɨ pewa reta jei yawe, “Añawe yaikota ñaï yandepɨakatu rewe jare yandepɨawiwe rewe,” jayawe jokua ara ipɨranoe pewa outa chupe reta mbaesusere tuicha wae. Jare jokua outa chupe reta aramoiño kërái pëti kuña aramoiño imembɨrasɨ ou chupe rami. Jare jae reta ndarau etei oyepe chuwi.

1 Timoteo 6:17

Jare añawe che aipota numbɨarakuaa ikokatu wae Cristo re wɨrowia wae reta rewa. Ere chupe reta awɨye waerä ikate iparawete wae reta kotɨ. Ere wi chupe reta awɨye waerä uyeko ikorepoti re, echa’ä aramoi ɨmambae opata chuwi reta. Ikawiete ko uyeko reta waerä Tumpa imeño mái iko wae re. Jae ko umee yandewe opaete mbaembae yayekou waerä jese.

1 Timoteo 6:7

Yaikuaa ñaï yaa yandesɨ wi yawe, yaru’ä mbae awe. Jukuärái wi ñamano yawe, yaraa’ä mbae awe.

Santiago 4:14

Erëi pe reta awɨyeta ko piyemɨngeta jukuärái. Echa’ä pikuaa’ä peï mbae awe kuriye rewa mbae ra uasata oï wae. Pikuaa’ä wi imeñota ra peï kuriye. Añetete perekowe ɨwɨ̈ti rami ko, echa’ä uyekuaa michi pewaño jare ɨmambae ukañɨ.